Albistea entzun

LARREPETIT

Publikoan dauden emakumeak

Goizalde Landabaso -

2022ko ekainak 21

Ez nuen Paula Bonet ezagutzen haren etxe alboko horma zuri batean bere kontrako esaldia agertu zen arte. Ez dut ondo akorduan zein zen, baina gutxi asko Paula Bonetek eta postmodernoek auzotik alde egin zezaten eskatzen zuten. Orduan jakin nuen idazlea eta marrazkilaria zela, eta bazuela, izan, arrakasta, hots: salmenta handiak, han-hemenka elkarrizketak eta jarraitzaile asko. Duela egun batzuk irakurri dut azken liburuko promozio lanak bertan behera utziko dituela. 2019tik akosatzen duen gizona aske gelditu da, eta bere segurtasunagatik bere burua gordetzea gomendatu diote.

«Zurekin topo egiten dudanean bortxatuko zaitut, eta baita txikituko ere Bartzelonako kaleetan bizi direnen gozamenerako; baina errukia eskatzen badidazu soilik bortxatuko zaitut hirugarren aborturaino». Maitasun hitz samurrak eskaini ohi dizkio Boneti. Etxez aldatu behar izan da baten baino gehiagotan, eta gorabehera handiak izan ditu. 2020an, pandemia bete-betean, Espainiako estatuko 250 emakume publikok manifestu garrantzitsua sinatu zuten. Kazetariak, politikariak, musikariak, antzezleak... alor publikoan egotea zer den dakiten emakumeek sinatzen zuten. Irainak, mehatxuak eta, oro har, era guztietako erasoak salatzen zituzten, soilik, presentzia publikoa izateagatik.

Sare sozialetako inpunitate eremuak erraztu egin ditu erasoak. Publikoan agertzen den emakumea zigortu behar da, askorentzat dagokion mugarria gainditu duelako, espazioak okupatzen dituztelako, ahotsa dutelako. Etenbako eraso hauen normalizazioa salatzen zuten sinatzaileek artean. Gurean, Lisipe bildumari esker ezagutu ditugu emakumezko bertsolarien esperientzia lakatzak (Uxue Alberdik Euskadi Saria lortu zuen Kontrako eztarritik lanari esker 2020an), eta idazleenak Eider Rodriguezi esker.

Paula Bonet eta publikoan ari garen emakumeak zigortu behar dira bere akosatzaile eta enparauen ustez, eta horretan zabalak dira legeen zirrikituak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.