Albistea entzun

LARREPETIT

Giza itsasgarriak

Goizalde Landabaso -

2022ko azaroak 15

Gurasoen etxebizitzan 50 urtetik gora leku berean daramatzaten auzokideak daude. Auzokide izatea bada giza harremanetan zelanbaiteko kategoria izatea. Batzuekin loturak estutzen dira, besteekin ez hainbeste, baina denbora luzean eraikina konpartitzeak eman digu /eman die leku bat norberaren historia emozionalean. Zenbat ordu ez ditudan nik pasatu auzokideen etxeetan gurasoen azpiegiturak kale egiten zuenean. Elkarri laguntzea zen gakoa. Bizi naizen etxean ere saiatzen naiz lotura horiei eusten, eraikin konpartituak erlauntz isolatuak baino gehiago izan behar direla uste dudalako. Auzokidetasuna (batzuetan, bai, auzokeria) aldatu da, baina pandemia ditxosozkoak agerian utzi du sareak behar ditugula. Besteak behar ditugula. Besteek behar gaituztela.

Swinburneko Unibertsitate Teknologikoak eta Manchester eta Brigham Young unibertsitateek bultzatuta, ikerketa bat egin zuten pandemiak gugan eragindakoa ikusteko. 2020an eman zituzten ondorioen artean ziotenez, dozena erdi auzokiderekin harremana tinkatzeak ongizatea dakar, eta giza kohesiorako ezinbestekoa da loturak estutzea. Pandemia garai ona izan da giza ikerketak egiteko, eta Australiako Unibertsitate Nazionalak ere eginak ditu. Melbourne hiria hartu zuen ikerketa leku. Ondorioak duela gutxi kaleratu dira. Depresioari, bakardadeari eta antsietateari aurre egiteko ezinbestekotzat hartu dituzte auzokideen arteko hartu-emanak. Itsasgarri soziala da. Kolektiboa, berriro. Elkartasuna, ahizpatasuna, kidetasuna.

Horregatik harrigarria egin zait UPS enpresari Espainiako Datu Babeserako Agentziak ezarritako isuna. 70.000 euroko isuna, jasotzailearen ordez auzokideak hartu zuelako paketea. Jasotzaileak jarri ei zuen salaketa. Eta lerro hauek baliatuz esan nahi dut nahikoa bakanduta gaudela dagoeneko, sareen indarrean sinesten dudala, eta arazorik ez dudala (izan ere, egin izan dut) auzokideen paketeak hartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...