LARREPETIT

Afaria

Samara Velte -

2019ko urriak 25

Batxilergotik graduatu berritan izango zen, ikasketa posibleen zerrenda artean galduta, kuadrillako norbaitek hondarretan etzanda proposamena airera bota zuenean: «Hemendik hamar urtera afari bat egin behar genuke, eta ikusi zertan ari den bakoitza lanean». Data ere jarri genuen: 2019ko abenduaren 28a, aurtengo Inuzente Eguna. «Eta bikotekideak ere ekarri ahalko dira», gehitu zuen, irriz, ordurako halakorik bazeukaten gutxietako batek.

Artikorako bidaia bat planifikatzea bezala zen orduan 2019ko abendua irudikatzea: fikzio hutsa. 18 urte bete berri geneuzkan; mundua, gutxi-asko, gurasoen jatorrizko herrian hasi eta Bilbon bukatzen zen, eta ilea mutilen antzera moztea zen bururatzen zitzaigun transgresio handiena. Erabakiak arin hartzen eta uzten ziren, biharamunik eta memoriarik existitzen ez zenez gero. Gure promesa infantil hartan, sinetsita geunden 2019rako izango genuela geure buruari harro erakusteko moduko zerbait: lana, bikotekidea, afaritarako lagunak.

Hamar urteak igaro dira orain: lehenbizikoz gidabaimena berritzerakoan ohartu gara horretaz. Ustez, hemen nonbait zegoen helduaroa. Eta harekin, egonkortasuna, ekonomikoa ez bada behintzat emozionala: egun bakoitza aurrekoaren antzeko samarra izango zen ustea; agian gorakada handiegirik ez, baina behintzat beherakadarik gabeko konstantzia goxo eta kontrolatuan.

Baina egonkortasunik ez da inon ageri. Praktiketako eta alokairuko kontratuak elkarren ondotik kateatzen jarraitzen dugu; gurasoak behar baino lehenago gaixotzen hasi zaizkigu; bikotekidea uste baino humanoagoa da bere akatsetan. Erabaki bakoitza astunagoa da, eta galeren zerrenda luzatuz doa: harrituta ohartzen gara gure bizitzatik irten diren izen batzuk ahazten hasi zaizkigula, absentzia berriei tokia egiteko. Gutxiagotan ikusten gara hondartzetan, eta sarriago ospitaleetan. Ziurtasunak geroz eta meheagoak dira, eta gu, hauskorragoak.

Gauza bat irabazi dugu, behinik behin: duela hamar urteko promesa haiei begiratzeko eta gogo onez barre egiteko gai gara. Afarirako aski arrazoi bada hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna