Albistea entzun
Emakumeen aurkako indarkeriari ez
Emakumeen aurkako indarkeriari ez

LARREPETIT

Ohorea

Goizalde Landabaso -

2021eko urtarrilak 12

Pil-pilean dagoen pandemiatik iheska (infodemiak irentsi nau ni ere), ikus-entzunezko on baten bila, Richard Laxtonen Honour telesail laburrera heldu naiz. Kapitulu bi. Britainiar nazionalitatea zuen emakume baten istorioa kontatzen du, Banaz Mahmod-en benetako istorioa. Londres inguruan bizi arren Kurdistango familia tradizional batean hazi zen, eta aitak bere ezkontza atondu zuen. Gizon nagusiago batekin ezkondu zuten, tradizionala; alegia, emakumea hutsaren hurrengotzat zuen (ustezko) homo sapiens batekin egin zutela. Bortxaketa eta jipoi zenbatezinen ondoren, dibortzioa eskuratu zuen emakumeak, eta baita aitaren eta familiaren mendekurako gosea piztu ere. Familiaren ohorean ziloa egin zuen bere dibortzioak, eta hori ez dago ondo; izan ere, bakoitzak bere patua du eta sehaska batzuek zanpatua dute. Ohoreak zenbat bihurgune ditu, gero. Britainia Handian itzelezko oihartzuna izan zuen haren erailketak. Bortxatu, erail eta bazterreko desleku batean lurperatu zuten. Maleta txiki batean sartu zuten gorpua senitartekoek. Haren heriotzarekin, ohorea berreskuratu zuten aitak eta osabak familiarentzat. Kristo osteko 2005. urtean. Super, e!

Non dago ohorearen muga? Aitortu behar dizut telesailak oka egiteko gogoa eman didala, eta koktel bikaina egiteko osagaiak utzi dizkidala: izugarrizko sumindura, amorrua eta herra. Eta hau gutxi balitz, gatazka utzi du nire baitan, Kurdistango herriak nigan sortzen duen atsegintasuna kamusteraino. Amnesty International erakundearen eta NBEren datuen arabera, milaka emakume erailtzen dituzte urtero familien ohorea zuritzeko. Eta garbitu oso era ohoretsuan egiten dute: emakumea jipoitu, bortxatu edota hiltzearekin. Desohoreak odola behar du ohore bilakatzeko. A ze mundua gurea. Beste mundu batean jaio izanaren arindua ere hartu nuen.

Kontuz infodemiarekin, harengandik iheska tupustean errealitate gorriarekin topo egin zenezake.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.