Albistea entzun

Ortuzarrek Madrili berriz eskatu dio eskumenak azkarrago eskualdatzeko

EAJk ikasturte hasierako ekitaldi politikoa egin du. Erabakitzeko eskubidea defendatu du Egibarrek
Andoni Ortuzar, atzo, Zarautzen egindako ekitaldi politikoan.
Andoni Ortuzar, atzo, Zarautzen egindako ekitaldi politikoan. JON URBE / FOKU Tamaina handiagoan ikusi

Maddi Iztueta - Irati Urdalleta Lete -

2022ko irailak 3

Andoni Ortuzar EBB Euzkadi Buru Batzarreko presidenteak «erronka ekonomiko eta politiko handia» ikusten du begi bistan, eta, horri aurre egiteko, akordioetara iristeko prest agertu da «euskal eremuko, Europako nahiz estatuko gobernuekin eta alderdiekin». Ordea, uztailaren amaieran bezala, berriz ere ohartarazpena egin dio Espainiako Gobernuko presidente Pedro Sanchezi: EAJrekin duen harremana «serio» hartzeko eskatu dio, «adostutakoa» betetzeko eta eskumenen eskualdatzeak azkartzeko: «Ondo konpondu gaitezen; garai zailak datoz, eta indarrak batzea inoiz baino beharrezkoagoa izango da». Oraindik «legealdiaren zati garrantzitsu bat» geratzen dela esan dio Sanchezi, eta «gauzak pixka bat hobeto» egitea galdegin dio.

Halaber, azkenaldian puri-purian dagoen gaiaz aritu da Ortuzar: «Gasaren kontsumoa murriztu behar da, baina inork esaten ez duena da gasik gabe ez dagoela euskal industria lehiakorrik, eta, ondorioz, ezta lanposturik ere. Subiranotasunaz hitz egiten betetzen zaigu ahoa, baina beste estatu gutxi bezain menpekoak gara energetikoki». Hori horrela, EH Bilduri «energia autojasangarritasunerako» akordioa proposatu dio. Baina zehaztu du: «Akordio serio bat, benetako akordio bat, eta benetako Euskadiren beharretarako izango dena, ez orain arte entzun ditugun burugabekeriak».

Erronka berriei ez ezik, historikoei ere erreparatu die Joseba Egibarrek, Gipuzko Buru Batzarreko presidenteak: «Euskadi da gure aberria, eta eskubidea daukagu gure etorkizuna erabakitzeko».

EH Bildu, neurri eske

EH Bilduk ere atzo hasi zuen 2022-2023ko urte politikoa, Gasteizen. Ekitaldian, Arnaldo Otegi EH Bilduko koordinatzaile nagusiak baieztatu zuen «burujabetza lortu arte» ez direla «urte politikoak bukatuko», eta, beraz, hura eskuratu arte «neurri estrukturalak eta erradikalak» hartu behar direla gauzak aldatzeko. Neurri horien artean aipatu ditu, esaterako, aberastasuna banatzeko politikak erdigunean jartzea, zerga erreforma sustatzea, eta energiaren, ekonomiaren eta higiezinen sektorean esku hartzea. Halaber, adierazi zuen giza eskubideak eta herritarren interesak bermatzea dagokiola administrazio publikoari.

Koordinatzaile nagusiaren arabera, ezinbestekoa da aipatutako erronkei aurre egiteko «munduari eta Euskal Herriari osotasunean begiratzea». Horretarako, iragarri du urte politiko honetan kalean, instituzio publikoetan, enpresetan eta gaztetxeetan ere antolatuko direla, eta baieztatu du mugimendu sindikalekin eta mugimendu feministarekin elkarlanean arituko direla aurrerantzean ere.

Izan ere, Otegiren arabera, egoeraren larritasunak ezin du bultzatu bere horretan geratzera. «Panorama bere larritasunean azaltzen diogu jendeari, baina ez esateko zer gaizki gauden, baizik eta esateko hau aldatu behar dela». Horregatik, egoera larria «aukera» bihurtu beharra nabarmendu du, «gauzak aldatzeko». Otegik jakinarazi du EH Bilduren konpromisoa «berdintasunaren, askatasunaren, subiranotasunaren eta justiziaren banderak» altxatzea dela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela
Tellez, 2008ko ekaineko mobilizazio batean, Managuan. ©Mario Lopez / EFE

Dora Maria Tellezi emango diote Rene Cassin saria

Jon O. Urain

«Giza eskubideen sustapenean, defentsan eta zabalkundean duen konpromisoagatik» sarituko dute.

IAren mobilizazioa, martxoaren 24ko greba zela-ta, Gasteizen. ©Iñigo Uriz / Foku

Mugimendu Sozialistako bi kidek «jazarpen poliziala» salatu dute

Berria

Esan dutenez, «kolaboratzeko» eskaintza egin diete telefonoz zein zuzenean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.