Albistea entzun

Koronabirusa

Hiru astean ia erdira murriztu da ospitaleetako pazienteen kopurua

Hegoaldeko zentroetan 484 eri dira birusarekin; ZIUan, 153. Agintariek «zuhurtzia» eskatu dute
Antigeno test bat, baheketa batean.
Antigeno test bat, baheketa batean. GORKA RUBIO / FOKU Tamaina handiagoan ikusi

Uxue Rey Gorraiz -

2021eko maiatzak 19

Birusaren transmisioari buruzko grafikoetan ez ezik, pandemiaren olatuen gorabeherak bistakoak dira ospitaleei buruzko adierazleetan ere. Presioa nabarmen ari da arintzen zentroetan; kurba maldan behera da apirilaren hondarretik. Nafarroako Gobernuak eta Eusko Jaurlaritzak emandako datuen arabera, Hego Euskal Herriko erietxeetan 484 paziente dira COVID-19ak jota. Orain hiru aste, apirilaren 26an, 938 ziren; ia bikoitza, alegia. Atzo arte, kopurua apirilaren 2an izan zen azkenekoz 500eko langatik behitikoa.

Erietxeratuak diren 484 gaixoetako 331 zentroetako gela arruntetan dira, eta 153 larri daude ZIU zainketa intentsiboetako unitateetan. Unitate horiei dagokienez, apirilaren 10etik erregistratutako daturik apalena da hori.

Kutsatzeak ere, beheraka

Halaber, COVID-19aren transmisioaren bilakaerak beheranzko joerari eutsi dio beste behin Hegoaldean: herenegun 329 COVID-19 kasu atzeman ziren birusa detektatzeko egindako testetan, eta, hala, beste behin, martxoaren 14tik aitzina erregistratutako kutsatu kopururik apalena izan da Hegoaldeko osasun agintariek emandakoa. Gainera, bada aipatzekoa den beste aldagai bat: positiboen ehunekoa %2,8 izan zen asteleheneko testetan, 11.906 proba egin baitziren. Horiek horrela, portzentajea nabarmen urrundu da OME Osasunaren Munduko Erakundeak mugarritzat ezarria duenetik (%5).

Kutsatuen datuak lurraldeka aztertuta, herenegun atzemandakoen kopuruak Bizkaian baizik ez zuen ehunekoa gainditu, berriz ere. Han 157 positibo zenbatu zituzten; gainerakoetan nabarmen apalagoa izan zen kopurua: Gipuzkoan 91 zenbatu ziren; Nafarroan, 49, eta Araban, 23.

Intzidentzia tasari so, Gipuzkoan da egoerarik larriena: azken bi asteetan 100.000 biztanleko 324ri atzeman diete birusa. Bizkaia hurbil da kopuru horretatik, 320 baita haren tasa. Nafarroan eta Araban aski txikiagoa da: Nafarroan, 180 eta Araban, 166.

Hain zuzen, transmisioaren beheranzko joerari buruz mintzatu dira Hegoaldeko agintariak. Jaurlaritzak eta Nafarroako Gobernuak nabarmendu dute kutsatuen kurba apaltzen ari dela. Hala eta guztiz ere, eske bera egin diete herritarrei: «zuhurtziaz» eta «arduraz» joka dezatela.

«Esperantzarako arrazoi aski ditugu, eta horrek animatu behar gaitu neurriak betetzera», azaldu du Jaurlaritzako Osasun sailburu Gotzone Sagarduik.Azaldu du alarma egoera bukatuta «nabarmen» handitu dela interakzio soziala, eta, beraz, «erne» izanen direla datozen egunetako bilakaerari. Gainera, Fernando Simon Espainiako Osasun Larrialdietarako Koordinazio Zentroaren koordinatzaileak maskararen erabilera arintzeko urratsak «laster» eginen direla iragarri ondotik, Sagarduik esan du oraindik goiz dela horretarako: «Gizartearen gehiengoa immunizatua dagoenean baizik ez da posible izanen, eta ez da halakorik gertatu».

Antzeko ideiak plazaratu ditu Nafarroako presidente Maria Txibitek. Nabarmendu du herrialdea «erdi mailako arriskuan» dela jadanik, baina argitu du neurrien leuntzea «apurka-apurka» egin behar dela, eta erabakiak herrialdeko «bide orri propioa» jarraituz hartuko direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar batzuk, maskararekin, Iruñean kalean. / ©Iñigo Uriz, Foku

Hegoaldean ez da kanpoaldean maskararik jarri beharko ekainaren 26tik aurrera

Jon Ordoñez Garmendia

Pedro Sanchez Espainiako presidenteak iragarri du neurri hori. Datorren ostegunean onartuko du Espainiako Ministro Kontseiluak ezohiko bilera batean.

Hizkuntza gutxituen esparruko ehundik gora eragilek sinatu zuten Hizkuntza Eskubideak Bermatzeko Protokoloa, 2016an, Kursaalen. ©ARITZ LOIOLA / FOKU

Sare berriak, eragiteko

Ion Orzaiz

Kontseiluak hizkuntza politikak eraldatzeko bide orria aurkeztuko du bihar. Ehun bat eragilek eta entitatek bat egin dute agirian jasotako helburuekin

Eskoriatzako Arizmendi-Almen ikastolaren eremua ur azpian, 'Goiena.eus'-ek zabalduriko bideo bateko irudian. ©Goiena

Kalte handiak eragin dituzte ekaitzek Euskal Herriko hainbat lekutan

Berria

Debagoienan, Iruñerrian eta Gasteizen hainbat kale eta lokal hartu ditu urak.

Iñigo Urkullu lehendakaria Eusko Legebiltzarrean, artxiboko irudian ©David Aguilar/ Efe

Urkulluk dio «berandu baino lehen» maskararen erabilera arintzeko era egon daitekeela kanpoaldean

Edurne Begiristain

Gaur arratsaldean bilduko da Labiren Aholku Batzordea, eta lehendakariak iragarri du litekeena dela gaueko aisialdia zabaltzeko neurriak hartzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna