Albistea entzun

GAL sekretu ofizialen lege berritik kanpo utzi nahi du Espainiako Gobernuak

Legea moldatzeko zirriborroaren arabera, gobernuak testuan jaso nahi du agiriak desklasifikatzeko orduan «salbuespenak» ezartzeko aukera
GALek lau lagun hil zituen Baionako Monbar ostatuan, 1985eko irailean.
GALek lau lagun hil zituen Baionako Monbar ostatuan, 1985eko irailean. D. VELEZ Tamaina handiagoan ikusi

Jon O. Urain -

2021eko abuztuak 17

Espainiako Gobernua lantzen hasia da Sekretu Ofizialen Legearen erreforma. Gaur egun indarrean dagoen araua 1968koa da, frankismo garaikoa, eta legea eguneratzeko zirriborro bat prestatzen ari da gobernua. Hasieran, asmoa zen sekretu ofizialei epe bat jartzea, eta handik 25 urtera dokumentuak automatikoki desklasifikatzea, epe hori hamar urtez luzatzeko aukera izanda. La Vanguardia egunkariak herenegun zabaldu zuenez, ordea, Pedro Sanchezen gobernuak «salbuespenak» ezartzeko aukera jaso nahi du lege berrian, 25 edo 35 urte igarota ere agiriak publiko ez egiteko; tartean, GALi buruzkoak.

Kataluniako kazetak argitaratu duenez, gobernuak baieztatu du epe diferenteak ezarriko dituztela «babes graduaren eta sekretu mailaren» arabera, baina aukera izango duela «kasu jakinetarako salbuespenak» ezartzeko. Hortaz, gobernuak berak izango du sekretu ofizialak argitaratzeko edo sekretupean uzteko azken giltza.

Informazio horren arabera, Espainiako Gobernuak legealdia amaitu aurretik onartu nahi du lege erreforma, eta, horretarako, 2021 amaieran edo datorren urtearen hasieran onartu beharko luke proiektua Ministroen Kontseiluan. Betiere La Vanguardia-ren arabera, Barne, Justizia eta Defentsa ministerioak ari dira zirriborroan lanean, eta Fernando Grande-Marlaska Barne ministroa da gai batzuk sekretupean gordetzearen aldekoa. Margarita Robles Defentsa ministroa, aldiz, epe bat igarota agiriak automatikoki desklasifikatzearen aldekoa bide da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Maria Txibite Nafarroako Gobernuko lehendakaria eta Ramon Alzorriz, PSNko bozeramailea, Nafarroako Parlamentuan. ©JESUS DIGES / EFE

PSNk atea itxi dio Mañeru eremu mistoan sartzeari

Xabier Martin

Jakina zen Navarra Sumak ezezkoa emango ziola Euskararen Legea aldatzeko proposamenari, eta, orain, PSNk iragarri du harekin batera bozkatuko duela, Mañeru ez dadin sar eremu mistoan.

Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...