Jaurlaritzak dio pobreak ugaritu arren hobetu egin dela beren pertzepzioa

Inkesta baten arabera, hamar urtean bikoiztu egin da txiroen kopurua, eta oinarrizko gastuei aurre egin ezin dietenenak %84 egin du gora
Etxegabe batzuk, Donostian.
Etxegabe batzuk, Donostian. GORKA RUBIO / FOKU Tamaina handiagoan ikusi

Jokin Sagarzazu -

2019ko abuztuak 29

Pobreen kopurua handitzen ari da Araban, Bizkaian eta Gipuzkoan: azken hogei urteetako tasarik handiena da egungoa. Baina haien pertzepzioak ez du bat egiten pobrezia neurtzen duten adierazleek esaten dutenarekin. Hala, egungo txiroak duela hogei urtekoak baino baikorragoak dira euren egoeraz galdetzen zaienean. Horixe azpimarratu du Eusko Jaurlaritzako Enplegu eta Gizarte Politiken Sailak, 2018an pobreziari buruz eginiko inkestaz.

Azterketa horren arabera, lau urtean %7 egin du gora pobrezian bizi direla uste dutenen kopuruak, eta, azken hamarkadan, %46. Araba, Bizkai eta Gipuzkoako biztanleen %6 daude horrela: 130.965 herritar. Duela lau urte baino 9.000 gehiago, eta 2000. urtean baino 25.000 gehiago.

EH Bilduk uztailean salatu zuen Jaurlaritzak egina zuela lau urtean behin kaleratzen duen azterketa, baina Beatriz Artolazabal sailburuak ez zuela ohi bezala ezagutarazi, ezkutatu egin zuela. Herenegungo data daukan ohar baten bidez eman ditu orain hor azaltzen diren datu batzuei buruzko azalpenak, baina azterketa osorik ez du jarri Irekian, Jaurlaritzaren webgune nagusian; beste batean topa daiteke.

Oharrean, Jaurlaritzak inkestako datuetatik azpimarratu du laguntza publikoak jaso arren pobreziatik atera ezin diren 70.348 pertsona daudela, eta horien %80k ez dutela bere burua «oso pobre» ikusten. 2008tik —hori neurtzen hasi ziren lehen urtetik— izandako portzentajerik altuena dela azpimarratu du: urte hartan %78,7 ziren.

Horrekin batera, azaldu du behar gorrian dauden gehienek (%60,8k) ez dutela bere egoera horrela ikusten; «oinarrizko beharrei aurre egiteko edo nahiko eroso bizitzeko moldatzen» direla aitortzen dutela. Jaurlaritzak dio portzentaje hori %44 izan zela krisi ekonomikoaren urteetan, eta aurretik %30en bueltan zegoela.

Halaber, gobernuak gaineratu du pertzepzio subjektibo horrek oinarri objektiboak dituela, baina hori neurtzen duten hamahiru adierazleetatik lauk baino ez dute hobera egin 2008tik: elikadura arazo larriekin loturikoek, eta ur, argi eta telefono hornidurak. Oro har, oinarrizko gastuei aurre egin ezin dietenen kopuruak %83,7 egin du gora hamar urtean.

Jaurlaritzak iragarri du irailaren 25ean «bilera tekniko» bat egingo duela inkestaz aritzeko —ez du zehaztasun gehiago eman—, eta adierazi du gobernuaren lehentasuna dela gizarte babesaren sistemako oinarrizko baldintzak mantentzea eta azken bost urteotan finkatutako enplegua sortzeko politikekin jarraitzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna