Albistea entzun

Espainiako Auzitegi Nazionalak ere ez du debekatuko Arrasatekoa

Poliziari eskatu dio ekitaldiaren «jarraipena eta kontrola» egiteko, delituak egin daitezen «eragozteko». Sarek agerraldi bat eginen du gaur
Larunbateko protesta iragartzeko agerraldia, uztailean.
Larunbateko protesta iragartzeko agerraldia, uztailean. JAIZKI FONTANEDA / FOKU Tamaina handiagoan ikusi

Maddi Ane Txoperena Iribarren -

2021eko irailak 17

EAEko Auzitegi Nagusiak ez zuen debekatu larunbatean Arrasaten (Gipuzkoa) euskal presoen eskubideen alde eginen den martxa, eta Espainiako Auzitegi Nazionalak ere gauza bera egitea erabaki du. Jose Luis Calama epaileak atzo jakinarazi zuenez, hain zuzen, «une honetan ez dago beharrezko datu eta elementurik zehazteko salaturiko egitateak terrorismoa goratzearen delitua izan daitezkeen ala ez». Espainiako Auzitegi Nazionaleko epaileak, halere, Poliziari eskatu dio «jarraipena eta kontrola» egin diezazkiola larunbaterako antolaturiko protesta ekitaldiari, «eragozteko gorazarrerik edo delitu terroristen zein horiek egin dituztenen justifikaziorik» egitea, baita «biktimen edo familien umiliazio edo gutxiespenik» izatea ere. Halaber, adierazi du halako delituak ezin dituela aitzinetik zigortu, behin egin ondotik baizik.

Epaileak biltzeko eskubidearen eta adierazpen askatasunaren «mugak» hartu ditu oinarritzat ebazpena emateko, hain zuzen, eta azaldu du «gobernu agintaritzari» dagokiola «biltzeko eta manifestatzeko eskubidea gauzatzean konstituzio betekizunak konplitzen direla zaintzea, hari baitagokio herritarren segurtasunari eustea eta delitu egintzak prebenitzea». Haren hitzetan, berriz, zigor zuzenbideari legez kanpoko ekintzak zigortzea dagokio, «behin gertatu ondoren»: «Hau da, zigor zuzenbideak ezin du prebentzioz jardun; izan ere, jokabide horrek berekin dakar eskubideak mugatzen dituzten ondorio juridikoak lotzea edo zuzenean edo zeharka zehapenak ezartzea, etorkizuneko eta zalantzazko delituei buruzko hipotesi hutsetan oinarrituta». Aitzinago zigortu ahal izatea ez du baztertu, beraz.

«Erabakien» berri gaur

Arrasateko eta Hego Euskal Herriko Sarek agerraldia eginen dute gaur herrian, 10:00etan. Euskal presoen eskubideen aldeko mugimenduak jakinarazi duenez, «larunbaterako Arrasaten antolatutako martxa ibiltariaren harira azken egunetan sortutako nahasmena eta gatazka direla eta» haien «analisiaren eta erabakien berri» emanen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.