Noiz sortua: 2019-10-23 00:30:00

Segurtasun akatsak salatu dituzte Donostiako metroaren tuneletan

Satorralaia elkarteak fiskaltzara eraman du Alemaniako aditu baten txostena. Gabeziak antzeman dituzte larrialdi irteera baten diseinuan

Erredakzioa -

2019ko urriak 23
Donostian eraikitzen ari diren metro pasabidearen egitasmoan segurtasunaren arloko «arau urraketa larriak» antzeman ditu Satorralaia bizilagunen elkarteak, eta auzitara jo du: Alemaniako aditu batek egindako txostena Gipuzkoako Fiskaltzara eraman zuen atzo, eta salaketa aurkeztu. Elkarteak azaldu duenez, tunelen segurtasunaren eta larrialdi irteeren eremuan aurkitu dituzte akatsak, baita bidaiarien eta batik bat elbarrien ebakuaziorako baldintzetan ere.

Hans Heydemann ingeniariak sinatu du Satorralaiak fiskaltzan aurkeztutako txostena; sute arriskuen prebentzioan aditua da, besteak beste —hitzaldi bat ematekoa da gaur, 19:00etan, Groseko Okendo kultur etxean—. Salaketan, Pio Barojako inguruetan aurreikusi duten larrialdi irteerari erreparatu dio, «tunelen segurtasunaren arloan ezarritako hainbat araudi» urratzen dituelakoan. Satorralaiak esplikatu duenez, obrak egiteko ireki duten tunel bat baliatu nahi dute larrialdi irteera hori egiteko: 500 metroko luzera du, eta bertan 400 eskailera egin nahi dituzte 68 metroko malda igotzeko, «hots, dorre baten 24. solairura oinez igotzea bezala».

Ebakuazio bide hori «ezbairik gabe erabat baliogabea» dela ohartarazi du Heydemannek txostenean. Horrez gain, tunelen segurtasunarekin eta sute kasuetarako ebakuazio baldintzekin lotutako beste «irregulartasun eta gabezia» batzuk ere jaso ditu aditu alemaniarrak fiskalari emandako dokumentazioan.

Hortaz, Satorralaiak fiskaltzari eskatu dio gaia iker dezan, «segurtasun kolektiboaren kontrako delitu bat» izan daitekeelakoan: «Segurtasunaren eta larrialdiko ebakuaziorako baldintzen inguruan ezarritako arauak ez betetzeak pertsonen osotasun fisikoa arriskuan jartzea ekar dezake».

Babes gehiago

Era berean, bizilagunen elkarteak Jaurlaritzari galdegin dio metroaren lanak geldiaraztea, eta ez da bakarrik agertu eskari horretan: ELA, LAB eta Steilas sindikatuei batu zaie DBus autobus konpainian dihardutenen Kurpil sindikatua —behin baino gehiagotan ohartarazi du auzoetako autobus lineak gutxitzea ekarriko duela metroak—. Donostia Defendatuz koordinakundeak, Ernai gazte mugimenduak, Bizilagunekin plataformak eta Eguzki talde ekologistak ere babestu dute Satorralaiaren salaketa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Gutxienez hilaren 26ra arte iraungo du konfinamendu aginduak Hegoaldean

Berria

El Pais egunkariak eta TVEk baieztatu dutenez Pedro Sanchezek apirilaren 26ra arte luzatu du konfinamendua. Goizean bildu da Sanchez batzorde zientifikoarekin eta arratsaldean egingo du agerraldia. 

Ikurrina bat, Durangoko balkoi batean koronabirusak hildakoak gogoratzeko. / ©Raul Bogajo, Foku

Aberri Eguna balkoietan ospatzera deitu dute hainbat pertsona ezagunek

Jon Ordoñez Garmendia

Ikurrinak jartzeko eta ordu jakin batean euskal irratietan emango den abesti bat kantatzera deitu dute. Osasun krisian bizia galdu dutenak gogoratu, dolua adierazi eta zaintzan dabiltzanei eskerrak emateko baliatu nahi dute. (ikusi nortzuk diren sustatzaileak, albistean).

Pedro Sanchez, koronabirusaren batzorde teknikoaren bileran. / ©Espainiako Gobernua

Apirilaren 26ra arte luzatu du konfinamendua Espainiako Gobernuak

Berria

Batzorde zientifikoarekin bildu ondotik hartu du erabakia Pedro Sanchezek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna