Albistea entzun

EAJk Alderdi Eguna ospatuko du igandean, 'Goazen!' leloa hartuta

Forondako zelaietan egingo dute, eta «berriz elkartzeko eguna» izango da. «Aurrera begiratzeko garaia» dela azpimarratu dute aurkezpenean
Mireia Zarate eta Beatriz Berlanga, atzo, Alderdi Egunaren aurkezpenean.
Mireia Zarate eta Beatriz Berlanga, atzo, Alderdi Egunaren aurkezpenean. EAJ Tamaina handiagoan ikusi

Edurne Begiristain -

2022ko irailak 22

Goazen! goiburupean egingo du EAJk Alderdi Eguna igandean; ohi bezala, Forondako (Araba) zelaietan. Mireia Zarate Euzkadi Buru Batzarreko idazkariak eta Beatriz Berlanga EGIko Aberri Kontseiluko kideak Sabin Etxean eman zituzten atzo igandekoari buruzko xehetasunak. Koronabirusaren pandemiaren eraginez Alderdi Eguna ospatzerik ez dute izan jeltzaleek azken bi urteotan — 2020an bertan behera utzi zuten, eta 2021ean osasun neurri zorrotzekin eta formatu txikian egin zuten—, baina, aurten, betiko formatua berreskuratuko dute eta «elkartzeko» eguna izango da. Igandekoa «ilusioa» berreskuratzeko Alderdi Eguna izango dela azaldu zuen Zaratek: «Iragana ahaztu gabe, baina etorkizunari begira, 46. Alderdi Eguna berriz elkartzeko eguna izango da, elkar besarkatzeko eguna, ilusioarena».

Aukeratutako goiburuan laburbildu nahi izan dute igandeko festaren esanahia. «Aurrera egiteko eta begiratzeko garaia da». Zaratek azpimarratu zuen larrialdi egoeran izandako zailtasunei esker «Euskadi indartsuagoa» dela, eta indar hori baliatu beharra dagoela «aurrean diren erronkei aurre egiteko».

Egun osoko jaia

Iñigo Urkullu Jaurlaritzako lehendakaria eta Andoni Ortuzar EAJko Euzkadi Buru Batzarreko presidentea Forondako zelaietan izango dira, eta hitzaldia emango dute. Eta han izango dira, besteak beste, Kataluniako, Galiziako, Balear uharteetako, Kanaria uharteetako, Flandriako eta Bretainiako «hainbat adiskide» ere. «Jai giroan» ospatuko dute Alderdi Eguna, eta egun osoko egitaraua prestatu dute horretarako. Besteak beste, meza, musika ikuskizunak, haurrentzako jolasak, erromeria eta herri kirolen erakustaldiak izango dira Forondako zelaietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean
Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.