Gasteizko Udalak 'Martxoak 8' izena jarri dio Juan Carlos I.aren hiribideari

Askatasunaren alde diharduten andrazkoak omendu ditu. Urtaranek aurrez adierazia zuen kaleak ez zuela merezi «jaun ustel baten» izena
<em>Martxoak 8</em> izena du Salburua auzoko etorbideak.
Martxoak 8 izena du Salburua auzoko etorbideak. RAUL BOGAJO / FOKU Tamaina handiagoan ikusi

Joxerra Senar -

2020ko uztailak 29

Gasteizko hiribide nagusietako bati izena aldatu diote. Atzo, udalak Juan Carlos I.a izena kendu eta Martxoak 8 izena jarri zion Salburua auzoko etorbide nagusietako bati. Dekretu bidez ezarri zuen izen aldaketa Gorka Urtaranen udal gobernuak, eta Twitterreko bere kontuan eman zuen haren berri alkateak berak: «Askatasun eta berdintasunaren alde lan egin eta lan egiten duten emakume guztiak omentzeko, berdintasunaren alde, Gasteizen alde».

Udalbatzak adierazi duenez, «hiri batek pertsona bati egin diezaiokeen aitorpenik handienetako bat da bere kale, plaza edo espazio publikoko beste edozein tokiri norbait horren izena ematea», eta pertsona hori «pertsona eredugarri gisa» ikusi ohi da. Baina udalak «zalantzan» jartzen du errege emerituaren eredugarritasuna, eta, ondorioz, haren izena duen kalea beste modu batera izendatzea proposatu du.

Urtaranek adierazi duenez, «Gasteizko emakume askok merezi dute aitorpen hori», gizartea hobetzen laguntzeagatik. Alkateak gaineratu du «aurrerabidearen eta ongizate komunaren alde hainbeste ekarpen egin duten emakumeen izena duten kaleak eta plazak merezi» dituela hiriak.

Egoera berezian dator izen aldaketa: Espainiako errege emerituaren irregulartasunen berri zabaltzen ari da egunotan. Urtaranek berak martxoan iragarri zuen ez zuela gustuko hiriko etorbide handienetako batek «jaun ustel baten izena» izatea. Halaber, iragan ekainaren 19an, udalbatzak aho batez onartu zuen Arabako hiriburuko kale izendegia aldatu beharra zegoela, «emakumeen presentzia handiagoa» bermatuz. Gasteizko Mugimendu Feministak, albistearen harira, mezu bat zabaldu du sare sozialetan: «zuriketa morerik» ez dute onartuko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna