Albistea entzun

Euskaltzaindiak liburu batean jaso du hizkuntza gutxituen azterketa

'Hizkuntza gutxiagotuak zaindu, euskara jagon' liburua aurkeztu dute. Sagrario Alemanek adierazi du gogoetarako bide ematen duela
Euskaltzaindiaren liburuaren aurkezpena, atzo.
Euskaltzaindiaren liburuaren aurkezpena, atzo. EUSKALTZAINDIA Tamaina handiagoan ikusi

Jone Bastida Alzuru -

2021eko maiatzak 7

Euskaltzaindiak Hizkuntza gutxiagotuak zaindu, euskara jagon liburua aurkeztu zuen atzo, Iruñean; 23. Jagon Jardunaldietan landutakoa bildu dute bertan. Hala, Europa mendebaldeko hizkuntza gutxituen egoera aztertzen du liburuak.

2019ko urtarrilean egin zituzten jardunaldi horiek, eta helburuak zein ziren gogoratu dute: hizkuntza gutxituei buruzko ikuspegia landu eta aurreratzea beste lurralde batzuetan egiten den lana Euskal Herrikoarekin batera uztartzeko, betiere ikuspegi zientifiko egokia bilatuz. Atzo azaldu zutenez, liburuak mintegian parte hartu zuten hizkuntzalarien hitzaldiak jaso ditu.

Euskarabidearen laguntza izan dute prozesuan. Bertako zuzendari kudeatzaile Mikel Arregik atzo adierazi zuenaren arabera, azterlanak «ekarpen interesgarria» egin du. Euskaltzaindiaren Jagon sailaren arduradun Sagrario Alemanek bat egin zuen harekin, eta nabarmendu zuen «gogoetarako bide ematen duen liburu baliotsua» dela argitalpena: «Europako mendebaldeko hizkuntza gutxituen egoera aztertzen du, lurralde bakoitzeko legeak nolakoak diren, eta abar». Haren irudiko, hori ezagutzea «ezinbestekoa» da etorkizunean nolako pausoak eman behar diren jakiteko: «Liburuan ikusten da adituek hainbat ikuspegi dituztela legeei buruz ari direnean. Hori bai, guztiek onartzen dute legearen zirrikituak baliatu behar direla hizkuntza gutxituak aitzinatzeko». Gaineratu zuen hitzaldiotan ahalegina egin zutela bestelako galdera batzuei ere erantzuteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.
 ©JON URBE / FOKU
 ©IDOIA ZABALETA / FOKU
Osasun langileek antolatutako protesta bat, artxiboko irudi batean. ©MONIKA DEL VALLE / FOKU

Aintzat hartuak izateko bide bila

Arantxa Iraola - Garazi Aduriz

Profesional eskasiaz kexu dira agintariak usu, osasun sistemaren zailtasunez aritzean; lehen arretan izaten da arazoa sarrien. Lotuta dago lan zamarekin, antolaketa txarrarekin, prestigio urriarekin: hortxe erronkak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...