Albistea entzun

Jaurlaritzak 500 toki prestatuko ditu udaran migratzaileei laguntzeko

Hiru egoera posibleren arabera aktibatuko dituzte tokiak. Bidasoa eskualdean jarriko dituzte gehien-gehienak: 338 izango dira, hain justu
Migratzaile bat Irungo harrera zentroan.
Migratzaile bat Irungo harrera zentroan. JAGOBA MANTEROLA / FOKU Tamaina handiagoan ikusi

Beñat Mujika Telleria -

2021eko ekainak 29

Udan irits daitezkeen migratzaileei laguntzeko asmoz, Jaurlaritzak Uda 2021 kontingentzia plana aktibatuko duela jakinarazi zuen Beatriz Artolazabal Berdintasun, Justizia eta Gizarte Politiketako sailburuak atzo, Irunen (Gipuzkoa). 500 toki egongo dira gehienez, eta hiru egoera posibleren arabera aktibatuko dira. Sailburuak aurreratu zuenez, Irunen eta Bidasoa eskualdean 338 toki izango dituzte.

Artolazabalek Xabier Legarreta Migrazio eta Asilo zuzendariarekin batera eman zuen atzo prentsaurrekoa. Hain zuzen, Legarretak azaldu zuenez, udako planak hiru egoera posible bereizten ditu: egun berean ehun pertsona baino gehiago hartu behar izatea, 200 pertsona baino gehiago, eta 400 pertsona baino gehiago. Hirugarren egoera ohiz kanpokoa izango litzatekeela esan zuten. Era berean, sailburuak Errenteriako Gaztelutxo aterpetxearen (Gipuzkoa) garrantzia azpimarratu zuen. Adingabeen gaineko ardura duten andreei harrera egiteko erabiliko da, eta zerbitzu garrantzitsua da: «Migrazioaren draman, talderik ahulenetako bat da».

«Lankidetzaren» garrantzia

Artolazabal sailburuak erakundeen arteko lankidetzaren garrantzia nabarmendu zuen atzoko agerraldian. Haren esanetan, hori gabe herrena litzateke migratzaileei eman beharreko arta. «Erakundeen arteko mahaia osatzen duten hirugarren sektoreko organismo eta eragileen inplikazioa eta lankidetza» giltzarri direla adierazi zuen. «Batzen gaituena bilatzen dugu, begirada ahulenengan jartzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean

Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...