Albistea entzun

Ertzaintzak aitortu du Hala Bediko kazetariak ez zuela «doloz» jokatu

Dozenaka lagunek babesa adierazi diote Mikel Saenz de Buruagari, epaiketa hasi aurretik
Mikel Saenz de Buruaga hedabideen aurrean hitz egiten, epaitegietan sartu aurretik, atzo.
Mikel Saenz de Buruaga hedabideen aurrean hitz egiten, epaitegietan sartu aurretik, atzo. JAIZKI FONTANEDA /FOKU Tamaina handiagoan ikusi

Jon Rejado -

2019ko apirilak 3 - Gasteiz

Mikel Saenz de Buruaga Hala Bedi irratiko kazetariak ez zuen Ertzaintzaren hesia apurtzeko asmorik izan. Hala uste du kazetariari nortasun agiria eskatu eta salaketa jarri zion ertzainak. Atzo izan zen epaiketa; epaileak zuzenean galdetu zion ertzainari ea Saenz de Buruagak «doloz» jokatu ote zuen, ala jendetzak bultza egin ote zion. Alegia, autoritateari desobeditzeko asmoa izan ote zuen, edota, gutxienez, hori onartzeko. «Berak ez, baina harekin zeuden beste batzuek, bai», zehaztu zuen ertzainak. «Buruzagi baten gisara ikusten nuen; batzuekin hitz egiten zuen, besteekin...», gaineratu zuen, kazetariaren jokabidea gogora ekartzerakoan.

Gasteizko Administrazioarekiko Auzietarako Epaitegian izan zen saioa. Mikel Saenz de Buruagak Segurtasun Saila eraman zuen auzitara, 2017an jarritako 602 euroko isunaren aurka egiteko: batetik, argudiatu zuen prozedura akatsek «babesgabetasuna» eragin ziotela; bestetik, berretsi zuen berak ez zuela egin zigortzeko moduko ekintzarik. Are, akusazioko abokatuak salatu zuen Saenz de Buruagari «informatzeko eskubidea urratu» ziotela. Bestalde, Segurtasun Saileko abokatuak prozedura akatsak ukatu, eta delitua egon zela berretsi zuen.

Saenz de Buruagaren bertsioa berreste aldera, bi kazetari eraman zituen akusazioak: goiz horretan Hala Bediko irratsaioko koordinatzaile lanetan zen kazetaria, eta Errekaleorren harekin egon zen lankidea. Defentsak, berriz, bertan egondako bi ertzain aurkeztu zituen: kazetaria identifikatu zuena, eta salaketa berretsi zuena. Biek zilegitasuna kendu zioten Hala Bediko langile txartelari. Halaber, poliziak gogorarazi zuen ez ziola kazetariari nortasun agiria eskatu azken horrek identifikazio zenbakia eskatu zion arte.

Bigarren poliziak hausnartu zuen Saenz de Buruaga zegoen lekuan zeudenek bazekitela «zertan ari ziren». Gaineratu zuen beste kazetari batzuk ingurutik «aise» mugitu zirela. Egun hartan, ordea, kanpoko hesia gainditzea ukatu zieten BERRIAri eta gainontzeko hedabide gehienei. Hala Bediko kazetariak han ziren Polizia heldu aurretik; horregatik lortu zuten bertan gelditzea.

«Gure lana egiteagatik»

Mikel Saenz de Buruagak gogora ekarri zuen gertatutakoa: «Ertzaintzak jipoitu gintuen, identifikatu gintuen gure lana egiteagatik». Nabarmendu zuen, bestalde, jokoan dagoena ez dela isuna bakarrik, baizik eta kazetariek lan egiteko duten eskubidea. «Hori irabaztera etorri gara».

Jendetza bildu zen epaitegien aurrean, Hala Bediko kazetariari babesa emateko. Horien artean zegoen Iñaki Ruiz de Pinedo, EH Bilduko Espainiako Kongresurako Arabako hautagaia. Mozal legea aldatzeko beharra berretsi zuen: «Isun administratiboen bidez populazioaren zati bat kontrolatu nahi dute, segurtasuna aitzakia gisa hartuta».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuen ordezkariak, gaur, Gipuzkoako Medikuen Elkartearen egoitzan. / ©Foku

Harreman «asimetrikoak» hausteko bitartekaritza talde bat eskatu dute Donostialdeko ESIko zerbitzuburuek

Iosu Alberdi

Kargugabetzeak egiteko modua kritikatu dute, eta Jaurlaritzarekin eta Osakidetzako zuzendaritzarekin hitz egiteko mahai bat eskatu dute, «egoera konpontzeko». Zenbait eskaera zehatz egin dizkiote Osakidetzari.

Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da gorpuzkiak lurpetik ateratzen. Gogora institutua biktimen senideekin harremanetan jarri da.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.