Albistea entzun

Aragones JxCren babesa falta duela aurkeztuko da gaur inbestidura saiora

CUPen militantziak baietz esan dio ERCrekin egindako itunari, baina «aski ez» dela zehaztuta. Puigdemonten alderdia abstenitu egingo da

Ander Perez Zala -

2021eko martxoak 26

Pere Aragones aldeko behar adina babes gabe aurkeztuko da, gaur, Kataluniako presidente bilakatzeko inbestidura saioko lehen bozketara. JxC Junts per Catalunyak atzo arratsaldean jakinarazi zuen alderdiko 32 diputatuak abstenitu egingo direla, eta, ondorioz, Aragonesek soilik CUPeko bederatzi diputatuen babesa izango du, bere alderdi ERC Esquerra Republicanakoenez gain. Arreta, hortaz, ERCk eta JxCk bata besteari esango diotenean egongo da, datorren asteartean egitekoak diren bigarren bozketaren arrakasta neurtzeko balioko baitu. 10:00etan hasiko da saioa.

Aragonesek inbestidura saioaren bezperan ziurtatu du CUPen babesa, horren militantziak herenegun hasi eta atzo goizean amaitu zen barne bozketan eman baitio baiezkoa ERCrekin egindako akordioari —botoen %59—, nahiz eta ohartarazi duen adosturikoa «nahikoa ez» dela, eta negoziazioek jarraitu egin beharko dutela.

Atzo, emaitzen berri ematerakoan, Eulalia Reguant diputatuak ERCren presidentegaiari ohartarazi zion ituna ez dela «gobernukoa», eta oraindik asko dutela egiteko: «Akordiora batzeko erantzukizuna du, bere burua herrialdearen zerbitzura ezarri nahi badu».

JxCren azken erabakiaren berrri izan aurretik egin zituen adierazpenok Reguantek. Carles Puigdemonten alderdiak iluntzean jakinarazi zuen gaur, behintzat, ez dutela aldeko botorik emango. Eginahalak egin dituzte ERCK eta CUPek asteon, eta bilduta izan dira JxCko ordezkariekin. Bilera horien balantzea egin zuten oharrean: «Inolako legealdi akordiorik ezin izan dugu egin, ez baitugu gobernu eognkor bat bermatzeko hitzarmenik egin, Katalunia krisi sozial eta ekonomikotik aterako duena eta otsailaren 14ko mandatua betearaziko duena».

Horiek horrela, lehen bozketan 42 diputaturen babesa jasoko du Aragonesek, gaur beharrezkoak dituen 68etatik urrun —gehiengo osoa—; aurrera egiteko nahitaezkoak ditu JxCren 32 ordezkarien aldeko botoak, eta, hortaz, saiakera hutsa izango da.

ERC eta CUP azken unera arte aritu dira JxCri presio egiten, baina ez du amore eman, negoziazioetan jarraitu nahi baitu; azken egunetako gatazkak izan dira Errepublikaren Kontseiluak zer paper izango duen zehaztea, eta Kataluniako eta Espainiako gobernuen arteko elkarrizketa mahaiarekin zer egin erabakitzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Saudi Arabiako Mohammed bin Salman printzea Joe Biden AEBetako presidentearekin ©BANDAR ALJALOUD HANDOUT / EFE

Emakume saudiarabiar bati 34 urteko espetxe zigorra ezarri diote Twitterren duen jardunagatik

Lide Egizala Urteaga

Salma al-Xehab izena du, eta bere delitua izan da Palestinako eta Yemengo herrien abertzaletasuna babestu eta emakumeen eskubideen alde agertzea. Saudi Arabiak emakumeen eskubideak defendatzen dituen ekintzaile bati ezarri dion kondenarik luzeena da.

Mahmud Abbas, artxiboko irudi batean. ©MOHAMAD TOROKMAN / POOL

Mahmud Abbas: «1947tik gaurdaino, Israelgo Gobernuak 50 sarraski egin ditu Palestinako 50 herritan»

Nagore Arin

Harrabotsa sortu dute Mahmud Abbas Palestinako Agintaritza Nazionaleko presidenteak Israeli buruz esandakoek. Palestinarren aurkako «50 holokausto» egin izana leporatu dio Israeli.

Kataluniako atentatuak, bosgarren urteurrena

Erasoen osteko galdera gordinak

Gorka Berasategi Otamendi

Bartzelonako eta Cambrilseko atentatuek ezin ulertua eragin zuten, egileak gizartean «integratuta» zeuden gazte batzuk zirelako. 16 hildako eta 140 zauritu utzi zituzten.
«Eskoletan egiten ari dena ez da prebentzioa, antiterrorismoa da»

 ©BERRIA

«Eskoletan egiten ari dena ez da prebentzioa, antiterrorismoa da»

Gorka Berasategi Otamendi

Erradikalizazio prozesua askotariko faktoreen uztartze bat da, Vidalen iritziz. Ohartarazi du nazioarteko politikek ere zuzeneko eragina dutela indarkeria jihadistaren indartzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.