Albistea entzun

Getarian egingo dute aurtengo bigarren Bertso Eguna, larunbatean

Alaia Martin, Unai Iturriaga eta Uxue Alberdi ariko dira bertsotan, Balentziaga museoan, Maite Berriozabalek jarritako gaiei erantzuten

Erredakzioa -

2021eko martxoak 24

Bertsozale Elkarteak aurten antolatu dituen Bertso Egunetan bigarrena egingo dute larunbatean, 18:00etan hasita, Getariako (Gipuzkoa) Balentziaga museoan. Bertan parte hartuko dute Alaia Martinek, Unai Iturriagak eta Uxue Alberdik, eta Maite Berriozabal ariko da gai jartzaile. Nolanahi ere, Eli Pagolak, Maider Arregik, Manex Agirrek eta Rosi Lazkanok ere parte hartuko dute ekitaldian.

«Isolamendu garaietan ere josi egiten gaitu bertsoak. Elkarrengana josi. Komunitatera josi. Eragiteko josi. Askatzeko josi. Joskuretatik Bertso Egun bat osatuko dugu Getarian. Bertsolaritzaren baitako formatu, bertsokera eta gorputzak josiz osatuko baitugu emanaldia. Oholtza gaineko elementuak elkarrekin korapilatuz. Oholtza eta oholtzatik kanpokoa hurbilduz», azaldu du Beñat Gaztelumendi Bertsozale Elkarteko kideak; jaialdiaren antolaketan ere aritu da. «Bertsotan aritzea ez baita bakarkako lana: elkarrekin, elkarrengandik eta elkarrentzat aritzen gara bertsotan, eta lotzen gaituen horri erreparatuz, ordu eta erdi pasatxoko emanaldia josiko dugu».

Larunbateko saioa aurrez aurre ikusteko sarrera guztiak agortuta daude, baina Internetez zuzenean ikusteko aukera badago oraindik. www.bertsosarrerak.eus atarian eskuratu daitezke sarrerak.

Aurten hiru Bertso Egun antolatu ditu Bertsozale Elkarteak. Aurrenekoa Iruñean egin zuten, otsailaren 13an, eta azkenekoa Hazparnen (Lapurdi) izango da, maiatzaren 22an. Hori urtarrilean egin behar zuten, baina atzeratu egin behar izan zuten, koronabirusaren kontrako neurriengatik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Marvin Gaye musikaria, 1973an, <em>Let's Get It On</em> diskoaren grabaketa saio batean. ©JIM BRITT

Marvin Gayeren maitasunezko protesta kanta

Andoni Imaz

Mende erdia bete da Marvin Gayek 'What's Going On' diskoa atera zuenetik. Mugarri bat da soul musikan, eta ereserki bat eskubide zibilen aldeko mugimenduarentzat.

Joyce Carol Oates idazlea eta Raymond Smith editorea, 1972an. ©BERNARD GOTFRYD

Nolakoa zen literatura orain dela 50 urte?

Gorka Arrese

1971n, Vietnamen oraindik gerran zeuden bitartean, liburuak irakurtzen ziharduten literaturazaleek. Giorgos Seferis eta Friedebert Tuglas hil ziren urte hartan. V.S. Naipaulentzat izan zen Man Booker saria, eta Nobel saria, Pablo Nerudarentzat.

 ©ANE GARCIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.