Noiz sortua: 2020-05-22 00:30:00

Ekainaren 1era arte eskatu ahal izango dira Eusko Jaurlaritzaren laguntzak

Maiatzaren 12an hasi zen epea Lanbidek eta Kultura eta Hizkuntza Politika Sailak bultzatutako deialdi horretara aurkezteko
Donostiako Viktoria Eugenia antzokia, itxita.
Donostiako Viktoria Eugenia antzokia, itxita. JON URBE / FOKU Tamaina handiagoan ikusi

Erredakzioa -

2020ko maiatzak 22

Kulturako Langileentzako Programaren bidezko laguntzak eskatzeko epea luzatzea erabaki du Eusko Jaurlaritzak. Lanbidek eta Kultura eta Hizkuntza Politika Sailak bultzatutako deialdi horretara aurkezteko epea maiatzaren 12an hasi zen —deialdia Euskal Herriko Agintaritzaren Aldizkarian argitaratu eta hurrengo egunean—, eta datorren astelehenean amaitzekoa zen, hilaren 25ean. Orain, ordea, Kultura eta Hizkuntza Politika Sailak eta Lanbidek erabaki dute beste bost egun luzatzea, eta, horrenbestez, epea ekainaren 1era arte luzatuko da.

Eusko Jaurlaritzak argitu nahi izan du, halaber, laguntzak «Araubide Orokorrean zein Langile Autonomoen Araubide Berezian izena emanda dauden langileentzat» direla. «Eusko Jaurlaritzaren helburua da laguntzak eskatzen dituzten langile guztiengana iristea, baldintzak betetzen baldin badituzte. Laguntzen aurrekontua ez bada nahiko eskatzaile guztiei erantzuteko, deialdiak mekanismoak aurreikusi ditu laguntzak banatzeko hurrenkera ezartzeko —ez da lehenetsiko eskabidea aurkezteko eguna—». Hain zuzen ere, eskaerak aztertzeko ordena zozketa bidez egingo dela dago zehaztua diru laguntzei buruzko argibideetan.

Apirilaren 15ean eman zuen Eusko Jaurlaritzak kulturaren sektorerako laguntza lerroaren berri. Orduko hartan, Bingen Zupiria Kultura sailburuak adierazi zuen «egoera estuan» diren langile «autonomo profesionalentzako» laguntza bat dela, eta ez sektore oso bati zuzenean bideratutakoa.

2,5 milioi euro jarri ditu laguntzetarako, eta horiek lortu nahi dituzten kultura arloko langileek baldintza batzuk bete behar dituzte. Hain zuzen ere, laguntza horiek jaso ditzaketenek «era esklusiboan aritu behar dute profesionalki bertan behera geratutako kultur jardueran. Jarduera horretan esklusiban aritzen direla ulertuko da haien diru sarreren %60 hartatik eskuratzen dutenean».

2020ko martxoaren 14an ezarritako alarma egoera bukatzea agindu eta kultura eta arte arloko ekitaldi kolektibo presentzialetara itzultzea baimentzen den azken egunera arte iraungo dute diru laguntzek. Gehienez ere, sei hilabetez jaso ahal izango da laguntza.

Bestalde, laguntza horiez gain, Eusko Jaurlaritzak bi milioi euroren diru sail bat onartu berri du kulturaren arloko mikroenpresentzat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze kultura ogibide dutenentzat 50.000 euro arteko diru laguntzak onartu dituzte eta hamabi hilabetez luzatuko dituzte autonomoentzako eta aldi baterako lan erregulazioan daudenentzako alokairua ordaintzeko diru laguntzak. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Ekainaren 22an zabalduko dute Ipar eta Hego Euskal Herriaren arteko muga

Jon O. Urain

Reyes Maroto Espainiako Industria ministroak eman du dataren berri. Ia hiru hilabete daramatza itxita, eta itxierak eragozpen ugari eragin dizkie zonalde horietan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna