Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Indarkeria matxistaren aurkako eguna

Epaimahaiak Mbeugou hiltzeaz errudun jo du haren senarra

Tratu txarrak, alaben abandonua eta lesio psikikoak ere frogatutzat eman dituzte. Gizon bat zigortu dute alabaordea bortxatzeagatik
Mbeugouren omenez asteon egindako bilkura.
Mbeugouren omenez asteon egindako bilkura. OSKAR MATXIN EDESA/ FOKU Tamaina handiagoan ikusi

Maite Asensio Lozano -

2021eko azaroak 25

Maguette Mbeugou hiltzeaz akusatutako gizona errudun jo zuen atzo Bizkaiko Probintzia Auzitegiak. Herri epaimahai batek epaitu du azken hamar egunotan Bara N., biktimaren senarra, 2018ko irailean 25 urteko emakumea hiltzeagatik. Lau delituren egiletzat jo dute: hilketa, ohiko tratu txarrak, bi alaben lesio psikologikoak eta adingabeen abandonua. Epaileak erabakiko du zein zigor ezarri, baina, frogatutako delituak kontuan hartuta, aurreko zigor eskaerak moldatu eta 44 urteko espetxealdia galdegin zuten atzo fiskalak eta akusazio guztiek.

Akusatuak hasiera-hasieratik aitortu zuen berak hil zuela Mbeugou, «bere burua defendatzeko»; epaimahaiak ez dio sinesgarritasunik eman. Labankadaz eraso zion andreari, eta lepoa moztu; gorpuak 80 zauri baino gehiago zituen, bost aiztorekin eginak. Hori dela eta, azpikeriaren eta ankerkeriaren larrigarriak ezarri dizkiote. Bilbon zuten etxean izan zen hilketa, 2 eta 4 urteko alabak han zeudela; gizonak ihes egin zuenean, amaren gorpuarekin bakarrik utzi zituen, eta horregatik ebatzi dute adingabeak abandonatu zituela eta lesioak eragin zizkiela. Fiskaltzak «barkamena» eskatu dio biktimaren familiari, «sistemak huts egin baitzion». Izan ere, Mbeugouk senarraren aurkako salaketa jarri eta babesa eskatu zuen, baina ukatu egin zioten, eta gizona absolbitu zuten. Sortzez senegaldarra zen Mbeugou: andre migratuentzat arreta hobea eskatu die mugimendu feministak erakundeei, asteon epaitegiaren aurrean egindako bilkura batean.

Bortxaketagatik preso

Bestalde, Gipuzkoako Auzitegiak hamalau urte eta hiru hilabeteko zigorra jarri dio gizon bati, 13 urteko neska bat hirutan bortxatzeagatik; haren bikotekidearen alaba da biktima. 2019an eta 2020an izan ziren erasoak, etxean: epaiak berretsi du neskak aurre egin ziola, baina gizonak bortxaz erantzun ziola eta mehatxatu egin zuela.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako kale bat, gaur goizean. ©Gorka Rubio, FOKU

Euriak eta haize boladek kalte ugari eragin dute zenbait herritan

Uxue Rey Gorraiz

Elurrak jadanik zuritu ditu Euskal Herriko hainbat eremu. A-15 autobidea itxi du Gipuzkoako Foru Aldundiak, botatako kazkabarragatik.

Adituek adinekoei hirugarren dosia jartzeari eman diote lehentasuna

Adituek adinekoei hirugarren dosia jartzeari eman diote lehentasuna

Irati Urdalleta Lete

Oro har, umeak txertatzearen alde egin dute BERRIAk kontsultatutako adituek. Eskatu dute ez ahazteko mundu mailako arazoa dela

<b>Larunbatean, Zentral aretoan aurkeztu zuten Euskaraldia.</b> ©IDOIA ZABALETA

Ziurtagiria, presaka eta ehunka zalantza artean

Joxerra Senar

Gauerditik aurrera COVID-19 ziurtagiria eskatzera derrigortuta daude kontzertu aretoak eta 60 mahaikidetik gorako jatetxeak Nafarroan. Totem eta Zentral aretoek azaldu dute ez dutela denborarik izan antolatzeko.

Emakume ijitoek jarrera arrazistak jasan dituzte denda gehienetan; irudian, artxiboko argazkia. ©IDOIA ZABALETA / FOKU

Susmopean, ijito izateagatik

Maite Asensio Lozano

Supermerkatu eta merkataritza guneetan andre ijitoek jasaten duten arrazakeria azaleratzeko, 'testing' bat egin du Amugek Bizkaian: denden %80tan izan dira jarrera kriminalizatzaileak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.