Txerra Martinez eta Oskar Abad preso ohi basauriarrak berriro epaituko dituzte gaur Espainiako Auzitegi Nazionalean, duela 30 urteko auzi batengatik. Martinezek hemezortzi urte eman zituen preso, eta Abadek, berriz, 21. Zigorra bete ondoren aske gelditu ziren, Martinez 2009an eta Abad 2012an.
Epaiketa dela eta, manifestazioa egingo du Sortuk gaur Bakion (Bizkaia), 20:00etan, Iru-Bide tabernatik abiatuta, Bakea eta demokrazia. Erasorik ez! lelopean. Joan den larunbatean ere mobilizazioa egin zuten Basaurin (Bizkaia).
Sorturen ustez, Espainiako Estatuak «bakeari eta bizikidetzari ekarpena» egin beharrean, «mendekuan oinarritutako salbuespenezko justizia aplikatzeari» eusten dio: «Espetxeak husteko garaia da, ez errepresioan tematzekoa».
Bi preso ohi berriro epaituko dituzte gaur Madrilen
Iruzkinak
Ez dago iruzkinik
Ordenatu
