Noiz sortua: 2019-06-08 00:30:00

Ez G-7ari; bai eraldaketa sozial, ekologiko, feminista eta demokratikoari

Mikel Noval - ELAren Gizarte Politikako arduraduna

2019ko ekainak 8
Urtero bezala, munduko zazpi herrialderik aberatsenetako gobernuak (Alemania, Kanada, Estatu Batuak, Frantzia, Italia, Japonia eta Erresuma Batua) bilduko dira beren politikak nazioarteko mailan koordinatzeko. Aurten Euskal Herrian bilduko dira, Miarritzen, abuztuaren 24tik 26ra.

G-7 delakoak urteroko bilkuretan duen helburua da mundu osoan eragingo duten neurri eta erabakien gaineko agenda ekonomiko-politikoa ezartze. Ildo horretatik orain arteko politika neoliberalak aplikatzen jarraituko dute, nahiz eta ekarritako ondorioetako bat desberdintasuna inoiz ez bezala handitzea izan. G-7 delako esparru horrek ez du inolako zilegitasun demokratikorik horretarako; hala ere, behin eta berriz saiatzen dira mundu osoa gidatzen, urteroko bilera horien bidez.

Arrazoi ugari ditugu G-7ari ezetz esateko. Izan ere, G-7ak, Nazioarteko Diru Funtsarekin eta Munduko Bankuarekin batera, korporazio-boterea sustatzen du, giza eskubideen, ekonomiaren, gizartearen, kulturaren eta ingurumenaren gainetik. Zerbitzu publikoak merkantilizazioaren eta pribatizazioaren bidetik bultzatu nahi ditu, eta, horretarako, merkataritza-itunak erabiltzen ditu (CETA —EBren eta Kanadaren artekoa—, JEFTA —Japoniaren eta EBren artekoa—, edo TTIP —Estatu Batuen eta EBren artean negoziatzen ari dena—).

Lanaren eta gizarte-politiken arloan, murrizketa-agendari eutsi nahi diote, prekaritatea herritarren enpleguetara eta bizimoduetara are gehiago hedatuz. Politika horiek, gainera, genero-lerratze nabaria dute, emakumeak diskriminatzen baitituzte, bai enpleguan, bai gizartean, bizitzaren iraupenerako funtsezkoa den zainketa-lana ezkutatuz eta baliogabetuz.

Eta zer esan migrazio-politikei buruz? Miarritzen bilduko diren gobernuek zuzeneko erantzukizuna dute pertsona migratzaileen eskubideen urraketan, dela Europan, dela Amerikan. Politika horiek lotsagarriak dira, eta guk aurre egiten diegu. Hala egin genuen, esate baterako, maiatzaren 5ean, Durangon, Herrien arteko Besarkadaren nazioarteko ekimenaren barruan.

Gainera, G-7ak eta gobernuek ez dute konpromiso zehatzik hartuko nazioarteko zientzia-komunitatearen deiari erantzuteko. Gure planetaren etorkizunerako mehatxu den klima-krisia onbideratzeko, behar-beharrezkoa da politiketan erabateko eta berehalako aldaketak egitea, hala diote behintzat mundu osoko zientzialariek.

Aipatu beharrekoak dira, halaber, horrelako gailurren inguruan ezarri ohi diren errepresio-politikak. Bilkura hori halako uharte batean bezala egin nahi dute, inguruko mundutik aparte. Horregatik debekatu dituzte manifestazioak egun horietan, eta baita aurreko asteetan ere. Horretan agintekeriaren eta lerratze antidemokratikoaren adibide garbia dugu.

Horren aurrean, ELAk G-7aren gailurra gaitzesten du, eta bide batez gogoratzen du beharrezkoa dela ekonomian eraldaketa sozial, ekologiko, feminista eta demokratikoa garatzea. Baina horretarako orain arte aplikatu diren politiketan erabateko aldaketa egin behar da, eta bizitzaren eta planetaren iraunkortasuna erdigunean jarri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna