Albistea entzun

Irailaren 1etik aurrera %50 merkeagoa izango da Mugi txartelarekin bidaiatzea

Arabak eta Bizkaiak bezala, Gipuzkoak ere adierazi du garraio publikoa erdi prezioan jarriko duela. Nafarroan %30ekoa izango da beherapena
Lurraldebuseko autobus bat, Tolosan.
Lurraldebuseko autobus bat, Tolosan. GORKA RUBIO / FOKU Tamaina handiagoan ikusi

Iñaut Matauko Rada -

2022ko abuztuak 5

GGLA Gipuzkoako Garraioaren Lurralde Agintaritzak atzo jakinarazi zuen %50eko deskontua izango dela garraio publikoan Mugi txartelarekin. Espainiako Gobernuak ekainean iragarri zuen garraio publikoa %30 merkatuko zuela inflazioari aurre egiteko, eta autonomia erkidego, aldundi eta udalen esku utzi zuen deskontua %50era handitzea. Eusko Jaurlaritzak hasieratik erakutsi zuen beherapena %50era hedatzeko borondatea. Arabako eta Bizkaiko agintariek jada erabaki zuten prezioak erdira jaistea, eta Gipuzkoa izan da neurria onartu duen azken herrialdea. Irailaren 1ean sartuko da indarrean krisiari aurre egiteko neurria, eta abenduaren 31ra arte aplikatuko da.

Rafaela Romero GGLAko presidenteak adierazi du botere publikoek «premiazko neurriak» hartu behar dituztela krisiari aurre egiteko, eta Gipuzkoak abenduaren 31tik aurrera ere «justizia sozialaren eta ekitatearen alde» lanean jarraituko duela gehitu du.

Hala, neurri horrekin Ekialdebus, Lurraldebus eta tankerako zerbitzuetan Mugi txartelaz egindako bidaietan %50eko deskontua egongo da. Bestalde, Arabako Foru Aldundiaren arabera, Alavabuseko hemeretzi zerbitzutan eta eskualdeetako 28 lineetan jaitsiko dituzte prezioak, Bilbo eta Iruñeko bidaia luzeetan izan ezik. Bizkaiko Garraio Partzuergoak ere adierazi du garraio publikoaren zerbitzu guztietan erdira jaitsiko dituztela prezioak. Hala ere, hiru herrialdeetan, joan-etorriko ohiko bidaiek ez dute deskontua izango, eta Bat, Barik eta Mugi txartelen bidez ordaindutako bidaiei bakarrik aplikatuko zaie.

Jabetza publikoko beste zerbitzu batzuek ere adierazi zuten %50 merkatuko zutela garraio publikoa. Madrilek hasieratik esan zuen Renfen prezioak erdira jaitsiko zirela, eta gauza bera iragarri zuen Eusko Jaurlaritzak uztailean Euskotrenen zerbitzuen inguruan.

Nafarroan, gutxiago

Iruñerriko Mankomunitateak eta Nafarroako Gobernuak adierazi dute Madrilek esandako %30eko deskontua besterik ez dutela aplikatuko garraio publikoan. Berta Miranda Garraioaren eta Mugikortasun Jasangarriaren zuzendari nagusiaren arabera, %50era handitzeko aukera dago, baina Nafarroan erabaki dute ez handitzea. Ondorengo zerbitzu hauetan egingo da deskontua: Iruñeko Garraio Hirian, Iruñea-Donostia ibilbidean, Iruñea-Zaragoza ibilbidean, Iruñea-Gasteiz ibilbidean, Iruñea-Hondarribia ibilbidean, Otsagabian, Tierra Estella-Busen eta Ubarmin klinikarako zerbitzuan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
 ©BERRIA

«Bidean sufritu eta gero, oso gogorra da itsasoan noraezean ibiltzea»

Lide Iraola

MSFren ontziak bederatzi egun egin zituen itsasoan, portu batean lehorreratzeko zain. Ostegunean porturatu ziren, eta, orain, migratzaileei emango zaien osasun arretak eta arta psikologikoak kezkatzen dute Font.
Lodosa Bizirik taldeko kideak, Lodosako kaleen izenak gazteleraz eta euskaraz jarri eta gero, plaka berriei eusten. ©BERRIA

Hutsune guztiak bete arte

Ane Etxandi

Euskara sustatzeko hainbat egitasmo gauzatzen ari dira Estellerriko Erriberan. Berriki, kale izenak ele bitan jarri dituzte, eta, orain, Porrusalda plataforma sortu berriaren bidez, euskarazko kultur jarduerak antolatu nahi dituzte.
Mugimendu feministak antolatutako elkarretaratzea, atzo arratsaldean. ©JAIZKI FONTANEDA / FOKU

Gasteizko jaietan jazotako eraso sexistak gaitzetsi ditu mugimendu feministak

Iñaut Matauko Rada

Sei ziztada, bi eraso homofobo eta ukituengatik hiru atxilotu egon dira jaietan. Autodefentsa feminista aldarrikatu dute erasoei aurre egiteko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.