Albistea entzun

ETAk informazioa eskatzen zion Zuluetari, guardia zibilen arabera

Maddi Ane Txoperena Iribarren -

2021eko irailak 23

Zazpi euskal herritarren aurkako 13/13 makroepaiketak atzo izan zuen jarraipena Espainiako Auzitegi Nazionalean, eta zazpi guardia zibilek deklaratu zuten, peritu gisa. Guztiek berretsi zuten Arantza Zulueta abokatuak ETArekin izandako ustezko lotura, eta, bertzeak bertze, adierazi zuten ETAk Espainiako Auzitegi Nazionalari buruzko informazioa eskatzen ziola Zuluetari. Amarauna izeneko sare bat koordinatzeko eskaera ere jaso ei zuen ETArengandik.

Zulueta bi ezizenekin lotuta egin zituzten deklaraziook. Izan ere, ustez Zuluetari atzemandako hainbat dokumentutan ezizen horiei zuzentzen zaie ETA, Halboka txostenaren ustezko izenpetzaile diren polizien hitzetan.

Ez dute epaiketa eten

Perituen deklarazioei ekin aurretik epaiketa eteteko eskatu zuen atzo Alfontso Zenon Zuluetaren eta Enparantzaren abokatuak. Izan ere, salatu zuen Espainiako Auzitegi Nazionalak uko egin diola CNI Espainiako inteligentzia zerbitzuetako kideek testigu gisa deklaratzeari. Erregu helegite bat jarrita dauka defentsak, eta Zenonek salatu zuen ebatzi gabe dagoela oraindik: «Auzitegiak ahal duen guztia egin beharko luke froga hori ekartzeko». Abokatuaren arabera, hain zuzen, CNIko kideen deklarazioak lotura zuzena dauka aurretiazko gaietan defentsaren abokatuek epaiketa bertan behera uzteko egindako eskaerarekin, eta, beraz, «erabat beharrezkoak» dira testigu gisa. «Dauden aukera guztiak erabili beharko lituzke auzitegiak; bestela, babes judizial eraginkorrerako eskubidea urratuko litzateke», salatu zuen atzo.

Angela Murillo epaileak ez zuen onartu Zenonen eskaera: Jose Perals fiskalari eta AVT akusazio partikularrari kasu eginez, erabaki zuen epaiketarekin aitzinera segitzea, eta erregu helegitea geroago ebaztea, perituen deklarazioen ondotik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Egiari Zor fundazioaren prentsaurrekoa, gaur. ©Gorka Rubio / FOKU

Espainiako Estatuaren biktimek azken astean jasan dituzten «umiliazioak» salatu ditu Egiari Zor-ek

Oihane Puertas Ramirez

Azken egunetan «estatu terrorismoaren gorespen eta apologia adierazpen esplizituak» jasan dituzte, fundazioaren arabera. Gainera, egin zieten kaltea aitortzeko eskatu die biktimen «sufrimenduaren arduradunei».

Bakartxo Ruiz, parlamentuan, eta atzean Maria Txibite gobernuko lehendakaria, ekainean. ©Idoia Zabaleta / Foku

Nafarroako Gobernuak eta EH Bilduk akordioa lortu dute aurrekontuei buruz

Joxerra Senar

Oraindik ere ez da erabateko akordioa, eta zerga neurrien inguruan ados jartzea falta dela azpimarratu du Bakartxo Ruizek. Haren esanetan, «akordioa osoa izan arte» ez dute xehetasunen berri emango. Gobernua baikor azaldu da 2022an aurrekontuak izateko bidean.

Jende andanak parte hartu zuen Zemmourren kontrako mobilizazio antifaxistan, atzo arratsaldean, Miarritzen. ©GUILLAUME FAUVEAU

Eric Zemmour eskuin muturreko polemistaren aurka bildu dira

Ekhi Erremundegi Beloki

Protesta askotarikoa egin dute Miarritzen, besteak beste, EH Baik, LABek eta Les Bascosek deituta
 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.