Albistea entzun

Sortuk berretsi du ETAren biktimen mina bere egiten duela

Zupiriaren kritiken harira, Rodriguezek adierazi du Urriaren 18ko Adierazpenarekin argi utzi zutela ezker abertzalearen jarrera
Rodriguez eta Otegi, iazko urrian, Aieten.
Rodriguez eta Otegi, iazko urrian, Aieten. JON URBE / FOKU Tamaina handiagoan ikusi

Iosu Alberdi -

2022ko uztailak 8

Ermuko PPko zinegotzi Miguel Angel Blancoren omenaldia gerturatu ahala, alderdien diskurtsoetan zinegotziaren figurak baino presentzia handiagoa izan dute elkarri jaurtitako dardoek. Besteak beste, Eusko Jaurlaritzako eledun Bingen Zupiriak Sorturi eskatu zion Blancoren hilketaren inguruko «gogoeta bat» egiteko. Alderdi hartako idazkari nagusi Arkaitz Rodriguezek atzo erantzun zion, Urriaren 18ko Adierazpena gogora ekarrita: «Idatziz jarri genuen. Ikaragarri sentitzen genuela ETAren biktimek jasandako mina, geure egiten genuela min hori».

Zupiriak «esplikaziorik» ez ematea leporatu zion Sorturi: «Jakin nahi dugu zein den euren gogoeta duela 25 urte gertatutakoari buruz». Rodriguezek Bizkaia Irratian azaldu zuenez, ordea, ezker abertzalearen gogoeta aski ezaguna da jada, eta Blancoren kasurako ere baliagarria. Iazko urriaren 18an Rodriguezek berak eta EH Bilduko koordinatzaile nagusi Arnaldo Otegik Aieten (Donostia, Gipuzkoa) egindako adierazpena jo zuen horren adierazle. Agerraldi hartan, ETAren biktimei adierazi zieten sentitzen zutela haien mina eta jazotakoak ez zuela «inoiz gertatu behar».

Beraz, Rodriguezek Zupiriari, Eusko Jaurlaritzako lehendakari Iñigo Urkulluri eta, «orokorrean, EAJri» exijitu zien «interes politiko eta elektoralak» albo batera utzi eta herriaren interesak lehenesteko. Are gehiago, ezker abertzaleak egindako urratsaren pareko bat egiteko eskatu zien; besteak beste, Rosa Zarraren senideei eta torturaren biktimei adierazteko bere egiten dutela euren mina, eta esateko haiek ez zirela gertatu behar.

«Zentsura»

Estatu mailan ere zenbait ika-mika izan dira igandeko omenaldiaren bueltan. PPk Espainiako Gobernuaren aurka egiteko baliatu ditu azken egunak; besteak beste, Pedro Sanchez gobernuko presidenteari exijituz harreman oro eten dezala EH Bildurekin. Horrez gain, Ermuko alkate Juan Carlos Abascalen jarrera ere kritikatu dute. Alderdi Popularrak «aurretiazko zentsura» egotzi zion atzo, Blancoren arreba eta PPko kide Marimar Blancori ekitaldian irakurriko duen adierazpena aurrez erakusteko eskatzeagatik.

Marimar Blanco ez zen ekitaldian hitza hartzekoa, baina gutun bat bidali zion Abascali hala egiteko eskatzeko, eta alkateak onartu egin zuen. Hala, bost hizlari izango dira. Abascalekin eta Blancorekin batera arituko dira Urkullu, Sanchez eta Espainiako errege Felipe VI.a ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...