Merkataritza gerrak Txinako BPGaren hazkundea moteldu du

Iker Aranburu -

2019ko urriak 19

Txinako barne produktu gordina %6 hazi da urteko hirugarren hiruhilekoan, azken 30 urteetako tasarik txikiena. Besteak beste, AEBk Txinaren aurka abiarazitako merkataritza gerraren ondorio da, industria esportatzailearen jarduna moteldu duelako. Irailean, Txinaren esportazioak urtebete lehenago baino %3,2 txikiagoak izan ziren. Hilabete horretan ere, industriaren prezioak %1,2 jaitsi ziren, produktuak saltzeko dituzten zailtasunen ondorioz.

Urteko hirugarren hiruhilekoaren datua uste baino txarragoa izan da, %6,1ekoa espero baitzuten adituek. Azken 30 urteetako gehienetan bi digituko hazkundea izan du Txinak urtero, baina erritmo horri eustea ezinezkoa dela eta hazkundea moteltzen ari dela onartu du Txinako Gobernuak. Edonola ere, nabarmendu du munduko ekonomia handienetan onenetakoa dela. Analista askok uste dute datu ofizialak puztuta daudela eta benetako hazkundea askoz txikiagoa dela.

Hazkundearen moteltzea ez da berri ona Xi Jinping presidentearentzat, ekonomia indartsua eta langabezia txikia behar baititu Txinako Alderdi Komunistak gizartean duen babesa ez galtzeko. Txerriaren izurrite afrikarra eta Hong Kongeko herritarren matxinada batu zaizkio azken hilabeteetan arazoen zerrendara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna