Astelehenetik aurrera Espainiako Auzitegi nazionalean epaituko dituzten 11/13 sumarioko 47 auzipetuak «eskertuta» daude jaso duten elkartasuna dela eta: esan dutenez, haien aldeko agiriak 11.300 sinadura inguru jaso ditu bi hilabetean, eta ugariak izan dira «mobilizazioak, elkartasun keinuak eta bultzadak». Horregatik, «arduraz» jokatu nahi dute, eta, epaiketa salatzeaz gain, «soluzioak ekarriko dituen agenda bat» aldarrikatu nahi dute, auzipetuen izenean Ibon Meñikak eta Beñat Zarrabeitiak esan dutenez.
Gaur manifestazioa egingo dute Bilbon, 17:30ean La Casilla plazatik abiatuta, Giza eskubideak. Askatasuna. Etorkizuna: herrian lelopean, 47 auzipetuei elkartasuna adierazteko. Alderdi politiko, sindikatu eta eragile sozial ugarik bat egin dute mobilizazioarekin. Auzipetuek «kaleak betetzeko» deia egin dute.
11/13 sumariokoek «soluzioak» bultzatuko dituzte
Iruzkinak
Ez dago iruzkinik
Ordenatu