Noiz sortua: 2015-03-22 00:30:00

Departamenduetako bozak. Euskal Herriko erronkak. ANALISIA

Erreforma berriaren itzala

Iñaki Etxeleku -

2015eko martxoak 22
Ez da sendi halako gar handirik departamenduko boz hauekin. Eskumenak argiki zein izanen dituen jakin gabe hautatuko dira erakunde horretarako kargudunak. Kanpainak aski hitsa ematen du, eta neke da batzuen eta besteen eleetarik egiazko ikuspegi baten hautematea.

Gizarte saila du eskumenik lodiena, eta ez da aski erratea inportantea dela adinetako jendeen laguntzea eta gazteak enpleguaren bidean jartzea. Gehiago dena, lurralde erreformak hatsarrean kasik desagerrarazi behar zituen departamenduak oraino osagarri onean jalgitzen badira ere legebiltzarreko lehenbiziko irakurketatik, gobernuaren erranetarik izertzen da maila horren kentzeko asmoa. Eskualdeak indarturik aterako dira, izanen dute pisu norabideen finkatzean, eta gainera ez da argi azkartuz joan behar omen duten herri elkargoak nola antolatuko dituzten.

Parekotasunak eta kantonamenduen berriz marrazteak buru berri zenbait ekarri ditu hautagaitzetan; bizkitartean, aspaldian karguan direnak lotzen dira berenari. Egituraren betekizunen lausotasunarekin zer heinetaraino hazten du honek sentitzen den tirria eskasa bozentzat. Bozkatzera joan beharra oihukatzen dute anitzek, heldu den abstentzio hein handia hautemanik. Eta badaiteke bai, igandean, xuhurtuko dela oraino gehixeago bozkatzaile kopurua.

EH Baiko abertzaleek nahi izan dute kantonamendu guzietan aurkeztu. Aitzineko bozetan aldarrikatu estrategiari jarraikiz, hautagaitza «irekiak» dituzte, hots, Sortu, Abertzaleen Batasuna eta Eusko Alkartasunaren inguru hurbilekoak ez diren hautagaiak aurkeztuz, alderdikoen saihetsean. Hirugarren indartzat dauka bere burua, eta «epaile» gisa eragina izan dezakeela dio abertzale ezkertiartzat agertzen den koalizioak.

Eta delako beste eztabaida hura, herri elkargo bakarrarena, zertan da? Ez da departamendu kontseiluari zuzenki lotua bistan dena, nahiz eta... Jean Jacques Lasserrek errana du Paueko lehendakaritza eskuratu nahi duela. Departamendu zalea dela erakutsi du lurralde erreformaren eztabaidan. Hautetsien Kontseiluko lehendakari gisa gaia kudeatu behar izan badu ere, ez da biziki bero sendi Bidaxunekoa herri elkargo bakarraren egiteko. Nafarroako parlamentuko buruzagitza eramaten badu, nola jokatuko da? Lehen, euskal departamenduaren sortzearen kontra zen, eta orain departamenduko presidentetzatik nola ikusiko du Ipar Euskal Herri guzia bilduko lukeen herri elkargo gotorra, jakinez Hautetsien Kontseiluko kargu nagusia utziko lukeela.

Gehiago dena, Colette Capdeviellek bere baitarik egin jokoaz aparte —Lasserreren kontra eta hautetsien artean nahasmendu zerbait piztea lortu du—, Lasserre eta Espagnac senatariak eta Allaux diputatua, sinbolikoki bada ere, ez dira entzun herri elkargo bakarraren asmoaz parlamentuan. Arte horretan, bilkurak bidean dira herri elkargoetako buruekin. Ados jarriko dira elkargo bakarrarentzat ala erdibideko antolakuntza jalgiko da? Gehiengoa edozein izanik ere Pauen, zer ondorio izanen du eztabaidan?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako idatzizko proba, eta urrian egingo du. Onartutako eskabideak kontuan hartuko dira bigarren deialdi horretarako.

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna