Eusko Jaurlaritzak euskarazko formazioa, euskararen sustapena eta kudeaketa euskaraz egitea bultzatuko du bost kirol federaziorekin. Euskal Kirol Federazioaren Batasunarekin lankidetzan, errugbi, gimnastika, txirrindularitza, pilota eta surf federazioek euskara sustatzeko egitasmoak jarriko dituzte martxan. Kultura eta Hizkuntza Politikako sailburu eta Eusko Jaurlaritzaren bozeramaile Bingen Zupiriak eta Euskadiko Kirol Federazioen Batasuneko kudeatzaile Leire Gerenabarrenak aurkeztu zuten atzolankidetza, Donostian.
Federazio bakoitzak gutxienez hastapen mailako entrenatzaile ikastaro bat emango du; entrenatzaile ikastaroekin batera, hizkuntza estrategien modulua antolatu eta eskainiko du; euskara planak diseinatuko ditu, eta euskararen erabilera sustatzeko ekintzak egingo dituzte. Eusko Jaurlaritzaren Kultura eta Hizkuntza Politika sailak 100.000 euroko dirulaguntza emango du egitasmo hau bideratzeko. Zupiriak esan du euskararen erabileran eragiteko kirolaren arloa gakoa dela, eta horregatik jo du garrantzitsutzat 18 urte bitarteko gazteen entrenatzaileen prestakuntzak euskaraz bultzatzea.
Kirolean euskara sustatzeko formakuntzak emango dituzte
Iruzkinak
Ez dago iruzkinik
Ordenatu
