Albistea entzun

HIZPIDEAK

Polizia gora eta behera

Martxelo Otamendi Egiguren -

2019ko abuztuak 21

Udako oporretatik bueltan datozenengandik bisitatutako herrien gaineko balorazioak entzuteko garaia da. Jendea erruz ibili den iruzkinarekin batera, nonahi gertatzen da, segurtasuna da maizenik baloratuko digutena.

«Harrigarria, ia ez dugu batere poliziarik ikusi», esango du urliak, tonu positiboa emanez baieztapenari. «Sekulako polizia pila zebilen», aitzitik sandiak, baieztapenari esanahi ezkorra emanez. Orokorrean, herritarrek nahiago dute poliziarik ez dagoen eremu bat, polizia asko daukana baino. Polizia bera da eztabaidagaia, eta poliziarik ezak edota poliziaren presentzia handiak ulertarazten digutena? Poliziaren presentzia urriak, gehienetan, eremua lasaia dela adierazten digu, arriskurik eza. Alderantziz polizia asko badago.

Eztabaida piztu da, ez da aurreneko aldia, Bilboko Aste Nagusian Aburto alkatearen eta konpartsen artean, udalak kaleratu duen polizia kopuruaren harira. Aurreko urteetan baino polizia gehiago jarri ditu udalak kalean, polizien presentziak gaizkileak uxatuko dituelakoan. Konpartsen ustez, festa naturalagoa da festa eremuan polizia gutxiago badago.

Alkateak dio herritarrek polizia gehiago eskatzen dutela. Dabilela kontuz alkatea herritar batzuek beren erraietatik eskatzen dutenarekin, urkamendia aspaldi baztertu genuelako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - Berria Taldeko lehendakaria / Martxelo Otamendi - BERRIAko zuzendaria

Iaz BERRIA Taldea egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...