HIZPIDEAK

Mezu arriskutsuak

Jon Ordoñez Garmendia -

2019ko uztailak 18
Bi mende baino gehiago daramatza berdintasuna aldarrikatzen Frantziako Errepublikak. Bete berri da Bastillaren hartzearen 230. urteurrena, eta Errepublikaren leloak bere historiarekin dituen kontraesanak berriro geratu dira agerian odola emateko irizpideak aldatzear dauden honetan; bereizketa onartezina egiten baitu legeak gizon homosexualen eta gainerakoen artean. Askatasuna, berdintasuna eta anaitasuna leloa duen herrialdeak debekatu egiten die homosexualei besteen pare odola ematea. Ez askatasun, ez berdintasun, ezta anaitasunerako aukerarik ere.

Sexu bidez transmititzen diren gaitzen eroale direlakoan, baldintza estuak jartzen dizkie Frantziak homosexualei. 2016ra arte ezin zuten odolik eman, eta, gaur egun, penitentzia kutsua duen urtebeteko abstinentzia batera behartzen ditu. Osasun Ministerioa orain da hori aldatzekoa, eta, 2022rako, besteen pare eman ahal izango dute odola. Bi urte eta erdi falta dira, beraz, Ipar Euskal Herrian odola behar duten gaixoek zentzurik ez duen muga bat desagertzen ikus dezaten.

Sexu bidez kutsatzen diren gaitzetan homosexualak susmagarritzat jotzea bidegabekeria galanta eta hanka sartze larria da. Arriskutsuak ez baitira pertsonak, prebentziorik gabeko sexu harremanak baizik. Berdin du heterosexualak edo homosexualak izan. Fokua prebentzio neurriak ez diren beste nonbait jartzea mezu arriskutsuak zabaltzea da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna