HIZPIDEAK

Gerrarako makineria

Amagoia Mujika Tolaretxipi -

2019ko maiatzak 31
Dimar Torres FARCeko kide ohia Nazio Batuen Erakundearekin lanean zebilen, gerrillari ohiei komunitateetara itzultzeko prozesua errazten. Buruan tiroa zuela agertu zen duela hilabete, Kolonbiak Venezuelarekin duen mugatik gertu. Soldaduek hil zuten, eta gorpua lurperatzen harrapatu zituzten haren bila zebiltzanek, in fraganti. Lekukorik egon ez balitz, Torres beste bat litzateke azkenaldian desagerrarazien zerrendan. Izan ere, gobernuak agindua emana du armadan susmagarrien hilketak bikoizteko, erortzen dena erortzen dela, The New York Times-ek argitaratu berri duenez: «%30 erratzea ametitzeko modukoa da», ageri da agirietan.

Gerra garaiko positibo faltsuen itzulerak Alvaro Uriberen eskua du atzean. 1980ko hamarkadatik indarrean zen praktikak goia jo zuen Uriberen bi legealdietan: 4.000 herritar inguru hil zituzten, eta, Juan Manuel Santosen aroko etenaldiaren ostean, haren alderdikide Ivan Duque presidentearen bidez ugaritzen ari dira zibilen kontrako hilketak. Bake akordioa zapuzteko asmo argiz, eta, bide batez, Venezuelari gogor erasotzeko asmoz. Oposizioak eskatu arren, ez da kargugabetzerik egon armadan, eta gobernuak dena ukatu du, kongresuan lege proiektu bat abiatu duten bitartean, militarren epaiketak eragozteko eta gerra makineria babesteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: