Noiz sortua: 2019-01-12 00:30:00

HIZPIDEAK

Erantzunik ez

Mikel P. Ansa -

2019ko urtarrilak 12

Aspaldi honetan lan gatazka gaizto asko sortu dira. La Navalen. Huerta de Peraltan. Zahar etxeetan. Garbitzaileen artean. Ubiken. Gatazka gaiztoak, soluziobide argirik ikusten ez zaielako; baldintzengatik edo jarrerengatik, luzatzen ari direlako. Eta itxura gaiztoa hartu duen beste bat gehitu behar zaio zerrendari: Kristau Eskolakoa. Patronalak orain arte esan duena errepikatu du berriro, ulertzen dituela langileak, baina ez dagoela dirurik. Sindikatuek ere orain arteko aldarriei eutsi diete; ez dutela etsiko beren eskakizunetan, patronalak ez duela ezer berririk eskaini, hamar urte daramatzatela lan ituna berritu gabe, langileak kaleratzeari uzteko konpromisorik ez dagoela. Eta ekuazioan gurasoak sartu dira orain; kezkatuta daude, iruditzen zaielako umeak «presio bide gisa» erabiltzen ari direla, eta martxa honetan ikasturtearen %10 galduko dutela. Asteazkenetik aurrera beste zortzi eguneko greba bat hastekoa baitute Kristau Eskolako irakasleek. Asteak dira gatazka puntu berean dagoela, ez atzera, ez aurrera. Gaiztotu egin da. Aurretik beste lan gatazka batzuk bezala. Eta gatazka horietan murgilduta dauden langile askok administrazio publikoari laguntza eta bitartekaritza eskatu diote. Etorri ez dena. Autobideak eta trenbideak egiteko eskumenak badituzte gobernuek, baina gaiztotutako lan gatazkak konpontzeko ez, antza. Horixe zen kapitalismoa: gobernuek ez ditzatela enpresak ukitu. Eta horrela galtzen dute gobernuek zilegitasuna herritarren aurrean, arazoak konpontzeko ezgai agertuz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Errepidea moztuta, Erratzu eta Baigorri artean. / ©Ekhi Erremundegi Beloki

Mugaren itxiera salatu dute Izpegiko gainean, Euskal Herriaren zatiketa salatzeko

Ekhi Erremundegi Beloki

Mugaren itxiera "jende soilarentzat" ezarri dutela salatu dute, eta birusari aurre egiteko bizia "hemengoratu" behar dela, Euskal Herrira ekarri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna