HIZPIDEAK

Pinocheten oinordetza

Amagoia Mujika Tolaretxipi -

2019ko azaroak 16
Jaime Guzmanek, Augusto Pinocheten konstituzioaren idazleak, horrela azaldu zuen Txilen gaur egun indarrean dagoen testua: «Gure arerioak gobernura iristean, ea behartuta dauden nik neuk nahiko nukeen hori egitera; ea oso zaila gertatzen zaien besterik egitea jokalekuak ez dielako aukerarik ematen besterik egiteko».

Eta halaxe izan da: botere neutralizatu baten pean bizi da Txile. Politika ez da gai izan eskaera sozialei erantzuteko; botere politikoak ezin izan dio aurre egin botere ekonomikoari, eta ezin izan ditu herritarrak babestu abusuetatik. Izan ere, Pinocheten ondorengo gobernu neoliberalek ez dute oinordetzan hartutako eredua hobetu besterik egin. Munduan merkatu libreko akordio gehien duen herrialdea da. Pribatizatu daitekeen guztia pribatizatu dute: hezkuntza, osasuna, ura, garraioa, errepideak, basoak... Enpresek sekulako irabaziak izan dituzte kontsumo kredituen bidez, eta Txileko familia gehienak itota bizi dira, zorrez. Indar armatuek ere inpunitate osoa dute.

Horregatik nahi dute herritarren batzar konstituziogiletik eratorriko den testu bat. Plebiszituaren ostean, gobernua saiatuko da, hala ere, prozesurako beste formula bat erabiltzen. Baina protestak ez dira amaituko, pribatizazioak bere horretan iraun eta bizitzaren prekarizazioak jarraitzen duen bitartean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna