HIZPIDEAK

Geldialdia hezkuntzan

Garikoitz Goikoetxea -

2019ko abenduak 4

Kritikatzeko moduko ezaugarri asko ditu hezkuntzako PISA azterketak: hiru aztergai soilik ditu, testuingurua ez du aintzat hartzen, ranking bihurtzen du hezkuntza, pisu neurrigabea hartu du, ikuspegi ekonomizistatik kanpoko konpetentziei ez die erreparatzen... Bai. Baina, horiek onartuta ere, joera bat erakusten du, beste ikerketa batzuekin bat datorrena: emaitzetan galera izaten ari dela hezkuntza.

Zalaparta eragin zuten orain hiru urteko datuek, bereziki Araban, Bizkaian eta Gipuzkoan: galera nabarmena zen. Galdutakoa ez da berreskuratu, aurreko urteetakoak baino txarragoak baitira azken emaitzak, eta Nafarroak egin du orain behera nabarmen. Zehatz aztertu behar da zer gertatu den: diagnostiko partekatu bat ondu, nork bere iritziak eta ardurak mahai gainean jarriz. Jaitsiera ez da Euskal Herrikoa bakarrik.

Berritasun premia badagoela iradokitzen dute jaitsierek. Aldaketa batzuk gertatu dira: ikasleen ezaugarri soziodemografikoak aldatu egin dira; gero eta ikasle gehiagok ikasten dute euskaraz, nahiz eta etxeko hizkuntza erdara izan; irakasleen batez besteko adina gero eta helduagoa da, eta lantaldean aldaketa handiak izango dira datozen urteetan.

Aintzat hartzeko aldaketak dira, egokitzapena eskatzen dutenak. Eztabaida handiko garaia dator hezkuntzara, eta ezinbestekoa da erronka horiei guztiei ahalik eta erarik osoenean erantzutea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna