Albistea entzun

HIZPIDEAK

Emakumeen merituak

Amagoia Mujika Tolaretxipi -

2022ko urriak 14 - @mmuxika

Italiako legebiltzarra 186 legebiltzarkide emakumerekin eta 414 gizonekin abiatuko da, aurreko legealdian izandakoak baino emakume gutxiago, 20 urtean lehen aldiz. Legearen arabera, %60koa izan behar du gehienez batzuen eta besteen kopuruak, baina alderdiek badituzte nahikoa zirrikitu hori gerta ez dadin.

Emakumeen presentzia bermatzeak ez du ikuskera feminista automatikoki ahalbidetzen, alderdiak ez badu bere egiten —Giorgia Meloniren ideologia ikusi besterik ez dago—. Ez da bermea, baina bai bermatzeko bidea. Justizia kontu bat ere bada gutxienez herritarren erdiak izanik dagozkien eserlekuak edukitzea. Kontrakoak ez luke demokrazian lekurik izan behar.

Emakumeen ordezkaritzaren premia ikusten dutenak dira, hain zuzen, alderdiek agenda feminista izan dezaten borrokatzen direnak, eta garrantzitsua da legebiltzarretan agenda bat ezartzea; indarkeria matxistaz edo zaintzaz harago, lan, osasun, hezkuntza edota garraioaz erabakiak hartzeko.

Argi dago Italian Giorgia Melonik gidatuko duen gehiengo eskuin maskulinoak familia tradizionala babesteko duen lehentasunak ez duela erraztuko begirada transbertsala, haren ustez emakumeak eta gizonak leku beretik abiatzen baitira. Meritu kontua da. Etxean geratzea ere bai.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...