Albistea entzun

HIZPIDEAK

Hirugarren dosia

Iñaki Petxarroman -

2022ko urtarrilak 26 - @petxarroman

Zientzialarien arteko erabateko kontsentsurik gabe egiten ari da COVID-19aren aurkako txertoaren indartze dosiaren aldeko kanpaina. Joan den astean, kazeta honetan Joseba Bikandi immunologo eta EHUko irakasleak ohartarazi zuen indartze dosiak jarri eta jarri ibiltzeak ez duela handituko gaitzaren aurkako babesa. Antzera mintzatu dira beste hainbat aditu ere, eta gogorarazi dute eraginkorragoa litzatekeela —bidezkoagoa ere bai, zeresanik ez— batere dosirik jarri ez duten herrialdeetara txertoak bidaltzea.

Espainiako Osasun Batzordeak gaitza pasatu dutenei orain gomendatu die bost hilabete itxaroteko hirugarren dosia hartzeko. Carmen Camara Espainiako Immunologia Elkarteko presidenteak SER irrati kateari adierazi dio farmazia enpresa handiak «presio egiten» ari direla indartze dosiak jar daitezen. «Planteatu behar dugu zer lortzen dugun hirugarren eta laugarren dosiekin», galdetu du. Kontua da bide horretan sartuta daudela Europako gobernuak, eta behar handiena duten herrialdeetara txertoak hel daitezen patenteak askatzen lagundu beharrean, bertako herritarrei dosi gehiago eta gehiago emateko politikan tematuta daudela; besteak beste, hirugarren dosia hartzea ezinbesteko bihurtuz COVID ziurtagiria izateko, edo, Ipar Euskal Herrian bezala, txertatze ziurtagiria bultzatuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...