Albistea entzun

HIZPIDEAK

Opakua

Mikel P. Ansa -

2021eko uztailak 22 - @peruarenaansa

Zergatik ari da garestitzen hainbeste argindarra? Esaten da gas naturala eta CO2 isuriengatik ordaindu beharrekoak garestitu direla, eta kito, uzten da gaia, konponezina balitz bezala: zerutik eroritako meteorito bat. Zer egingo zaio, horrela da. Sistemak arazo handi bat du, ordea, sektore elektrikoko enpresa handiei botere osoa ematen diena, eta erabiltzaile xumeak haien mende uzten dituena. Horrela funtzionatzen du: estatuak egiten du bihar kontsumituko den energiaren aurreikuspen bat, eta enkanteak egiten ditu, bihar ordu bakoitzean beharko den energia erosteko: 24 enkante. Enpresek eskaintzak egiten dituzte. Hasieran, estatuak energia merkeenak erosten ditu: hidroelektrikoa, nuklearra, berriztagarriak... Baina une batean, ordu bakoitzerako beharko den argindar guztia osatu ahal izateko, energia garestiagoak erosi behar ditu. Tartean, gas naturaletik sortua; garestiena. Eta, azkenean, ordu bakoitzerako erositako energia garestienaren arabera pagatzen ditu ordu horretako energia guztiak. Zein da arazoa? Enpresa berek dituztela berriztagarriak eta zentral termikoak, eta nahieran eskaintzen dituztela. Are gehiago, energia merkeak ere garesti proposatzen dituzte zenbaitetan. Gas naturalaren aitzakiak balio die beste energien errentagarritasuna izugarri puzteko, eta enpresek kontrolatzen dute dena: produkzioa eta prezioa. Eta, horren aurrean, argindarraren BEZa jaisteak ez du ondoriorik: guztientzako argindarra bermatu nahi bada, sistema elektriko osoa errotik aldatu beharko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...