HIZPIDEAK

'Ingeniaritza juridikoaren' sisteman preso

Jon Ordoñez Garmendia -

2019ko irailak 11
Amaraun judiziala esan dakioke edo Estrasburgok 2013an Parot doktrina bertan behera utzi bezperan Jorge Fernandez Diaz Espainiako Barne ministroak esan zuen bezala, ingeniaritza juridikoa. Josu Urrutikoetxeak gaur izango du Frantzian baldintzapean aske geratzeko egindako bigarren eskaera aztertzeko saioa. Lehenengoan, alde agertu zen epailea, baina amarauna egiten duen armiarmak azkar mugitu zituen bere hariak beste adabaki bat jartzeko.

Espainia ez dago prest Frantziari uzteko sistema judizialak zuzenbide estatu batean funtzionatu beharko lukeen bezala funtzionatzen. Hala erakusten du ekainaren 19an ETAko buru ohia behin-behinean aske uzteko Dei Auzitegiak hartu zuen erabakiaren ondoren erakutsi zuen azkartasunak. Urrutikoetxeak 68 urte ditu, gaitz larri bat du, egindako delituak errepikatzeko arriskurik ez dago, eta ihes egingo ez duelako bermea badago, baina, hala ere, larrutik ordainarazi nahi dizkiote direnak (bake elkarrizketatan parte hartzea) eta ez direnak (tartean ETA pm-ren hilketa bat ere, sekula polimilia izan ez zen arren).

ETA desagertu izana eta horren alde lan egin izana ez da nahikoa mendeku bila dabilen armiarmarentzat. Espainian, justizia amaraun bat da, eta, besterik ezean, sisteman nahi dute preso.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna