Albistea entzun

HIZPIDEAK

Herri txiki baten poza

Mikel P. Ansa -

2022ko azaroak 24 - @peruarenaansa

Xanpaina, pastelak, malkoak eta besarkadak». Horrela deskribatu zuen BERRIAko kazetariak momentua: Usansolo herri bilakatzeko eskariari baiezkoa eman berri zioten Bizkaiko Batzar Nagusiek, atzo goizean, eta Gernika-Lumoraino joandako usansoloarrak pozez zoratu ziren. Ez debalde, lau hamarkadako borroka baten azken portura ailegatuak ziren. Azkenean. Beste herri batzuek ezin izan dute. Itziarrek ezin izan du Debatik bereizi; Igeldon galdeketa egin zuten, baina herritarren eskari garbiari ateak itxi dizkiote agintariek; Ezkio eta Itsaso bereizi ziren duela bost urte, herritarrek hala eskatuta eta Gipuzkoako Foru Aldundiaren oniritziarekin, baina Espainiako Gobernuak debekatu egin zuen. Itsasoren kasuan, Espainiak oroitarazi zuen 5.000 herritar behar direla, gutxienez, herri bat sortzeko desanexio prozesua onartzeko. Usansolori 400 falta zaizkio 5.000ra heltzeko, baina herritarren eta instituzioen —behingoz bat egin dute udalak eta batzar nagusiek ere— borondateak lortu duena ez ahal dute Madrilgo legeek zapuztuko. Errespetatuko ahal dute, behingoagatik, herritarren gogoa. Poz hau legez kontrakoa bada ere, utziko ahal dituzte bakean. Ez ahal dio inork helegiterik jarriko erabakiari. Izan ere, ba al du herri txikiak debekatzen dituen lege horrek inolako zentzurik? Ez ote litzateke zentzuzkoagoa 5.000 biztanletik gorako herriak debekatzea?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...