HIZPIDEAK

Bukatu, erabat

Jon Ordoñez Garmendia -

2019ko maiatzak 3

«Bukatu du ETAk, erabat». Izenburu hori jarri zion egunkari honek zenbaki berezi batean gaur urtebeteko gertaera historikoari. Jakina zen iristear zegoela azken erabakia, ETAren amaiera. Eta jakina zelako handia zen jakin-mina. Erabakia urardotzeko keinu oro zen bere mamiaren aitortza bat. Maiatzaren 3a zen.

David Plak atzo orrialde hauetan esan zuen moduan, baina, ETAren amaieraren iragarpenaren eguna ezin da bereizi aurreko urteetan izan zen prozesutik. 2010ean hasi zen amaiera garatzen, eta 2017ko apirileko desarmatzea eta iazko maiatzeko azken agiria ezin dira ulertu ETAk izateari uzteko Espainiako eta Frantziako estatuen aldetik izan zituen zailtasunak aintzat hartu gabe; Pla beraren atxiloketa, horren adibide. Baina atzera begira bezala, aurrera begiratzea ere eskatzen du iazko egun horrek. 2018ko maiatzaren 3a izan zen ETAk erabat bukatu zuen eguna. Amaiera horrek, ordea, behar du jarraipena. Foro Sozialak atzo azpimarratu zuen gizarte zibilaren garaipen bat izan zela ETAren azken zigilu hori, baina gogorarazi du «askatzeke dauden korapiloen» konponbidea ahalbidetu behar duela gizarte horrek berak: «Hori da berriro ez gertatzeko dagoen berme bakarra».

Gizarte zibilak parte hartze erabakigarria izan zuen ETAren amaieran. Orain ETA amaitu ondorenekoak falta dira. Bukatzeko, erabat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Maria Txibite, Santos Indurain eta Enrique Maia, prentsa agerraldian, atzo eginiko bileraren ostean. ©JESUS DIGES / EFE

Beste 23 ospitaleratze: maiatzaren 14tik zenbatu den kopuru handiena

Olatz Esteban Ezkati

Kasu positiboen beherakada izan da Hego Euskal Herrian. Txibitek ez du neurri orokorrik ezarriko

Emakume bat COVID-19aren proba egiten, New Delhin, Indian. ©STR / EFE

Errusiak COVID-19aren aurkako lehenengo txertoa erregistratu du

Munia El Marhoum Iruretagoiena

Putinek adierazi du «immunitate iraunkorra» ematen duela; OMEk, berriz, ohartarazi du erakundearen azterketak igaro beharko dituela. Munduko kutsatu kopuruak hogei milioiren langa gainditu du

 ©Aritz Loiola / Foku

Ostiralean erabakiko dute gaueko aisialdirako mugez

Berria

Bizkaiko eta Gipuzkoako ostalariek auzitara jo dute, 01:30 baino beranduago ixteko aukera eskatuz

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna