HIZPIDEAK

«Denon etxea»

Amagoia Mujika Tolaretxipi -

2019ko urriak 15
Espainiako Gobernuak bideo bat zabaldu zuen atzo sare sozialetan, Espainiako Auzitegi Gorenak epaia jakinarazi baino minutu batzuk lehenago. Ministroak hainbat hizkuntzatan mintzo dira, Espainiaren izaera eta izen ona munduari erakusteko. Ez du itxura onik ematen, ordea, bideo batean bere ontasuna baieztatu behar duen estatu batek. Asko esaten du «demokrazia sendoa eta modernoa» duela azaldu beharrak, Espainia «denon etxea» dela nabarmendu beharrak, «elkarrizketaren eta elkar ulertzearen» paradisua.

Elkar ulertzetik gutxi dauka, ordea, mendekuak; ez da demokrazia itxuroso batean kabitzen arazo politiko bat erabaki judizial zigortzaile batek konponduko duelako mentalitatea; ez dira kabitzen manifestazio baketsuak egiteagatik eta bozkatzeko eskubidea gauzatzeagatik edozein demokraziatan kezkagarriak liratekeen zigorrak; Kataluniako auzia ez da arinduko eztabaida matxinadatik sediziora desbideratze hutsagatik.

Orain aro berri bat hasiko dela uste du Pedro Sanchezek. Katalunia dagokion tokira itzuliko dela, Espainiaren barnera, «denon etxera». Baina lanak izango ditu etxera ekartzen atzo zigortu zituen guztiak, preso dauden buruzagien aurkako erabakia erabiliz zapaldu dituen herritarrak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna