Albistea entzun

Eskoziak ezinen dio betoa paratu 'brexit'-a gauzatzeko legeari

Mikel Rodriguez -

2018ko abenduak 14

Erresuma Batuko Auzitegi Gorenak parlamentuen arteko hierarkia argi markatu du atzo eman zuen ebazpenarekin. Eskoziako Parlamentuak ezinen du «aldatu, ordezkatu, baztertu edo bertan behera utzi» Erresuma Batukoak onartu zuen brexit-erako legea. Erresuma Batuko Gobernuak Eskoziakoaren aurka paratu zuen helegite bati buruz erabaki du justiziaren organo gorenak. Hala ere, funtseko arazoan ez da sartu, brexit-a gauzatuko denean erresumara itzuliko diren 110 eskumenak zein gobernuk hartuko dituen baitute eztabaidagai.

«Argi utzi nahi dugu ez dagoela gure funtzioen artean eztabaida honetan dauden kontu politikoak baldintzatzea», adierazi zuen atzo Brenda Hale Auzitegi Goreneko presidenteak. Atzoko ebazpena eragin duen auzia joan den otsailean hasi zen. Eskoziako Gobernuak ez zuen lortu Erresuma Batukoarekin ados paratzea eskumenei buruz; hortaz, Eskoziako Parlamentuak lege bat onartu zuen botere horiek hartzeko. Gauza bera egin zuen Galeskoak, baina hango gobernuak legea eten zuen, Londresekin akordio bat egin ondoren.

Eskoziakoaren kasuan, ordea, Erresuma Batuko Gobernuak Auzitegi Gorenera jotzea erabaki zuen. Gorenak erabaki du Eskoziako Parlamentuak ahalmena duela brexit-arekin zerikusia duten legeak egiteko, betiere gaur egun dituen eskumenetara mugatzen bada. Horregatik, legearen ia atal denak onartu ditu, bat izan ezik, iritzi baitio Eskoziako Parlamentuak bere buruari ahalmena eman diola Londrestik jaulkitako legeak blokeatzeko. «Espero dugu Holyroodek [Eskoziako Gobernuaren egoitza] orain jarrera pragmatiko bat hartuko duela, eta gurekin lan eginen duela EB uzteko bidean», adierazi zuen atzo David Mundell Erresuma Batuko Eskoziarako idazkariak.

Mayk urtarrilera gibelatuko du 'brexit'-aren akordioaren bozketa

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.
Kolonbiako eremu deforestatu bat. ©Mauricio Dueñas Castañeda, EFE

Deforestazioaren aurkako araudia adostu dute Europar Kontseiluak eta europarlamentuak

Gorka Berasategi Otamendi

Egitasmoaren helburua da baso suntsitzearekin lotutako salgaiak Europako Batasunaren merkatutik kanporatzea. Produktu jakin batzuk merkaturatzen dituzten enpresek ziurtatu beharko dute beren ekoizpen kateek ez dutela deforestazioa eragiten.

Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan. ©MAST IRHAM, EFE

Indonesiak urtebeteko espetxearekin zigortuko ditu ezkontzatik kanpoko sexu harremanak

Gorka Berasategi Otamendi

Parlamentuak zigor kodea moldatzea onartu du gaur. Erreformaren bidez, debekatu egin du apostasia, agintariak iraintzea eta aurrez abisurik eman gabe protesta egitea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.