Pintaketak Ahal Dugu-ren egoitza batean

Berria -

2017ko azaroak 14
Pintaketak egin dituzte Ahal Dugu-k Gasteizen duen egoitzan. Katalunia Espainia da, Nazkagarriak, Udal zabortegia eta antzeko lelo eta irainak idatzi dituzte egoitzaren atean eta kristaletan.

Ahal Dugu-k salatu egin du bere egoitzaren kontrako erasoa, eta esan du «justifikatu ezin daitezkeen intolerantzia ekintzak» direla pintaketak.

Ahal Dugu-ren iritziz, horrelako erasoek arreta desbideratzen dute «benetan garrantzia duten eztabaidetatik». «Ideiak frontismorik eta irainik gabe defendatu behar dira», erantsi dute.

Jorge Hinojal Ahal Dugu-k Gasteizko Udalean duen bozeramaileak sare sozialetan idatzi du erasoaz. Adierazi du ez dagoela «margo eta irain nahikorik» haiek kikiltzeko, eta «segundo bat ere» ez dutela galduko «euren ideiak indarrez inposatu nahi dituztenekin».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna