Albistea entzun

Gorka Loran presoari baimen bat eman dio Auzitegi Nazionalak

Iñaut Matauko Rada -

2022ko ekainak 8

Espainiako Auzitegi Nazionalak Gorka Loran euskal presoaren defentsak jarritako errekurtsoaren alde egin du, eta kalera ateratzeko baimen arrunta eman dio —2021eko irailean eskatua zuen baimena presoak—. Auzitegi Nazionaleko Espetxe Zaintzako Epaitegi Zentrala izan zen eskaeraren aurka egin zuena, iritzita beharrezkoa zela aurrez biktimei barkamena eskatu eta damutzea. Defentsak errekurtsoa jarri zuen, eta Jose Ricardo de Prada, Francisco Javier Viera eta Maria Fernanda Garcia Perez magistratuek osatzen duten epaitegiak errekurtsoaren alde egin du, nabarmenduta barkamena eskatzea ez dela baimen arrunt bat ukatzeko legezko betekizuna.

Bestalde, auzitegiak ebazpenean gehitu du ez dagoela Loranen jardueraren ondoriozko biktima jakinik. Eztanda egin ez zuen lehergailu bat jartzea egotzita zigortu zuten, eta, hori dela eta, hilketa delitu bat egiten saiatzea leporatu zioten. Loran 2003az geroztik dago preso.

Baloraziorako aldagaia

Auzitegiak nabarmendu duenez, preso batek espetxean duen eboluzioari buruzko balorazioa egiteko orduan, kontuan hartzeko elementuetako bat izan daiteke biktimei barkamena eskatzeko gutun bat idaztea, baina, epaitegiaren arabera, badaude horretarako beste adierazle batzuk ere. Auzitegiak argudiatu du, besteak beste, presoak espetxean daraman denbora eta zigorra osorik betetzeko falta zaiona  hartu behar direla kontuan baimena emateko garaian; eta Loranek 2023ko abenduan beteko du zigorra oso-osorik. Barkamen eskaera, ordea, "ez da inolaz ere legezeko betekizuna  espetxe baimenak emateko". Hori horrela, Auzitegi Nazionalak berretsi egin du 2021ean espetxeko Tratamendu Batzordeak onartu zuen irteera baimena.

Auzitegiak gehitu du baimen horrek helburu duela Loran aske uzten dutenerako prestatzea, «zigorraren betetze egoera eta aurki datorkion askatasunerako aukera kontuan hartuta».

Berriki iritsi da De Prada epaile progresista epaitegi horretara, eta horrek eragina izan du irizpide aldaketan. Espetxe Zaintzako Epaitegiaren hiru epaileek egin dute baimena ematearen alde; baina ebazpenak Francisco Javier Viera magistratuaren boto partikularra jaso du. Baimena ematearen alde egin arren, Vierak nabarmendu du presoak ETAren gaitzespenik ez duela egin eta damurik ez duela azaldu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela
Tellez, 2008ko ekaineko mobilizazio batean, Managuan. ©Mario Lopez / EFE

Dora Maria Tellezi emango diote Rene Cassin saria

Jon O. Urain

«Giza eskubideen sustapenean, defentsan eta zabalkundean duen konpromisoagatik» sarituko dute.

IAren mobilizazioa, martxoaren 24ko greba zela-ta, Gasteizen. ©Iñigo Uriz / Foku

Mugimendu Sozialistako bi kidek «jazarpen poliziala» salatu dute

Berria

Esan dutenez, «kolaboratzeko» eskaintza egin diete telefonoz zein zuzenean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...