Albistea entzun

KRITIKA. dFeria

Neutroaren bila

Agus Perez -

2021eko martxoak 19

'No pleasure'

Konpainia: Danza 180º. Zuzendaritza: Iker Karrera. Argiak: Alberto D. Centeno. Interpreteak: Pablo Costas, Carla Diego, Belen Leroux, Cesar Louzan, Raymond Naval, Yadira Rodriguez. Lekua: Donostiako Gazteszena. Eguna: Martxoak 17.

Aspaldi hasi zen dantza dFeriako egunetan pisua hartzen, eta aurtengo edizioaren hirugarren egunean Iker Karreraren proposamen aratzak bereganatu du leku nagusia.

Techno musika indartsu baten pean hasi da guztia, taula gaineko sei dantzariak —hiru emakume eta hiru gizon— urdin kobalto tonuko argi atmosferikoan agertu direnean. Laster hasi da argia arrosa kolorera biratzen, baina musika erritmikoak bere horretan jarraitu du emanaldiaren lehen erdian. Denak agertu dira diskobolo famatu haren antzera, indar-jarrera berean seiak, eta hasiera batean uste izan dugu denak zeudela biluzik, antzinako greziar atletak bezala, argien jokoaren eta janzten zituzten mailloten efektuaren eraginez.

Lehen pasarteak talde eboluzio geldoetan igaro dira, haietan energia-kolpe zehatzak tartekatuz, eta dantzarietariko bat taldetik banatzen zenean, erakustaldi atletikoren bat egiteko aldentzen zen. Handik gutxira, gizonezkoen gaitasun atletikoa erakutsi digu koreografoak, betiere dantzaren parametroetan, eta emakumeen txanda iritsi denean, agian, zertxobait leunago ibili dira; baina, azken finean, lehen erakustaldi horien helburua izan da denen arteko puntu neutro bat aurkitzea, haien guztien itxura androginoak eta mailloten gristasunak lagunduta. Alde horretatik, esan beharra dago maillot guztiak ez direla berdinak izan, eta estilismoak goia jo duela bere arloan. Hala ere, generoen arteko neutrotasuna mugimenduaren diseinuaren bidez bilatu da Iker Karrera hondarribiarraren planteamenduan.

Koreografian jarrera estatiko laburrak tartekatu dira, taldearen eboluzio sinkronizatuetan, eta, emakumeak gizonezkoen energia maila berean egon badira ere, beste pasarte batzuetan denak ibili dira modelo desfileetan bezala, existitzen ez ziren takoien gainean. Esan daiteke gune neutro horren bilaketan emakumeak gizon bihurtu eta gizonak emakume bihurtu direla, talde bakoitzak bere generoari uko egin gabe baina elkarrenganako hurbilketa estetikoa muturreraino eramanda.

Mugimendu segiden perfekzioak egoera hipnotiko batera eraman gaitu behin baino gehiagotan, baina ezin izan dugu bide horretan sakondu, Karrerak oso izaera zatikatua eman diolako piezari, atal labur askoren itxura hartuta, haiek guztiek estetika, planteamendu eta araztasun bera izan duten arren. Une batetik aurrera, pasarte abestuak sartu dira musikaren eremuan, edertasun hotz hari nolabaiteko samurtasuna gehituz; une batetik aurrera, baina, agortzen hasia zen proposamena —bere bikaintasunean betiere—, pieza osoa diseinu luze baten faltan balego bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...