Albistea entzun

Europa osorako barruti bat sortzea eskatu dute Europako bozetarako

Europako Parlamentua.
Europako Parlamentua. R. W. / EFE Tamaina handiagoan ikusi

Irati Urdalleta Lete -

2022ko maiatzak 5

Baliteke 2024ko Europako Parlamenturako hauteskundeetan aldaketak egotea: parlamentuak berak eskatu du Europarako barruti bakarra sortzea, eta horretara aurkeztuko diren zerrenda transnazionalen bidez 28 europarlamentari aukeratzea. Alegia, hautetsontzietara jotzen duten herritarrek, orain arte eman ohi zuten bozaz gain, Europa osorako aurkeztutako zerrenda bat bozkatzeko aukera izango dute. Egun, 705 europarlamentarik osatzen dute; beraz, 733 izatera pasatuko litzateke. Herenegun egin zuten bozketa, eta 323k erreformaren alde bozkatu zuten; 262k, kontra; eta 48 abstenitu egin ziren.

Beste aldaketa bat ere proposatu dute: 16 urtetik gorako herritar guztiek izatea botoa emateko eskubidea, eta 18 urte baino gehiago dituztenek baita zerrendetara aurkeztekoa ere. Gainera, Europako Batasun osoan hauteskundeak maiatzaren 9an egitea nahi dute. Emakumeen eta gizonezkoen arteko berdintasunari ere egin diote erreferentzia testuan: esan dute berdintasunak bermatuta egon behar duela, kremailera zerrenden edo kuoten bidez.

Aldaketarako aukera gutxi

Horretarako, Europako hauteskunde legea erreformatu beharko dute, eta, itxura guztien arabera, ez da erraza izango. Europarlamentuaren baiezkoaren ostean, Europar Kontseiluaren onespena behar du, aho batezkoa, gainera. Aldaketaren bat eginez gero, atzera parlamentutik igaro beharko luke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestaziora deitzeko egindako agerraldia, apirilean. ©IDOIA ZABALETA / FOKU

Torturaren biktimen aitortza eskatuko dute Iruñean

Iosu Alberdi

Manifestazioa 18:00etan abiatuko da, autobus geltokitik. Kultur arloko 200 norbanakok baino gehiagok babestu dute protesta
 ©IñIGO URIZ / @FOKU

«Amorrua eta pena dugu, altxor ekologiko bat galdu dugulako»

Joxerra Senar

Garesen eta Izarbeibar eskualdean oso une zailak bizi izan zituzten asteburuan. Behin sutea itzalita, basoen %90 galdu dituztela esan du Mendok, eta berriz landatzeko plan berezia eskatu du: «Suaren ondorioak orokorrak dira».

Euskal herritarrek 154 gailur piztuko dituzte Pirinioetako Bidean

Euskal herritarrek 154 gailur piztuko dituzte Pirinioetako Bidean

Jon O. Urain

Astebete falta da erabakitzeko eskubidearen aldeko mobilizaziorako, eta hasieran iragarritakoak baino berrogei gehiago izango dira euskal herritarrek argiztatutako gailurrak.

Latasa Getaria, bere aurkako epaiketan. ©Auzitegi Nazionala

Gorenak atzera bota du Kubatiren eta Latasaren absoluzioa

Iosu Alberdi

Auzitegi Nazionalak absolbitu zituen, 1986ko atentatu batekin zerikusirik ez zutelakoan. Gorenak uste du ez zela «azalpen nahiko» eman.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...