Albistea entzun

Euskal presoak. EPPKren agiria

Presoen kolektiboak ontzat jo du Jaurlaritzaren proposamena

Enekoitz Esnaola -

2020ko maiatzak 30

EPPK-k «aitortu eta eskertu» egin du Euskal Herrian, Espainiako Estatuan eta nazioartean pandemiaren garaian ere «preso politikoon giza eskubideen eta askatasunaren alde» izan diren aldarrikapenak eta adierazpenak, eta haien artean aipatu du Eusko Jaurlaritzaren azkeneko proposamena: euskal preso guztiak Euskal Herriratzekoa. EPPK-k agirian dio «bat egiten» duela eskari horiekin. «Eta espero dugu pandemiaren garapenean eta horren aitzakiaz hartu ez diren neurriak egoera arintzen ari denean hartuak izango direla».

«Osasun publikoa prebenitzeko eta babesteko» helburuarekin, Jaurlaritzak preso guztiak familiatik gertueneko espetxera eramateko proposamena egin dio Espainiako Gobernuari, asteon jakin denez. Aurreneko aldia da idatzi batean Jaurlaritzak preso guztien Euskal Herriratzea eskatu duena. Urruntze politikaren kalteak nabarmendu ditu.

Aurreko asteetan nazioarteko komunitateko ehun eragilek, Europako Parlamenduko talde batzuek, Espainiako Kongresuko alderdi abertzaleek eta ezkerrekoenek, eta elkarte sozialek preso zaurgarrienak askatzeko galdegin diote Madrili. Nazioarteko eragileek, halaber, Espainiako eta Frantziako gobernuei ohartarazi diete «bake prozesua osatu gabe» dagoela. EPPK Euskal Preso Politikoen Kolektiboak azaldu du haiek denek «zeregin horretan funtzio garrantzitsua» izango dutela aurrerantzean ere, «beraien eraginaren esku egongo direlako espetxeetan har daitezkeen neurriak».

«Espetxeak hustu»

Jaurlaritzaren proposamena aipatu ondoren, EPPK-k gaineratu du euskal presoek eta euskal gizartearen «zati handi batek» aspalditik egin duen aldarrikapen bat dela presoen Euskal Herriratzea, «sakabanaketak eragiten duen sufrimendua amaitzeko modua delako». Horrez gain, esan du «Euskal Herriak behar duen normalizazio politikoaren bidean» lehentasuneko egitekoa dela «espetxeak hustea». «Garaia da, eta hori lortzeak denok irabazle egiten gaitu, etorkizun berri bat eraikitzen lagungarri izango delako». Mobilizatzen segitzeko deia egin du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alfredo de Miguel, artxiboko irudi batean. ©JAIZKI FONTANEDA / FOKU

Epaileak ez ditu onartu De Miguelen alegazioak, eta kartzelan sartzeko agindu du

Irati Urdalleta Lete

Erabakia oraindik ez da behin betikoa, eta aukera du erregu helegitea ipintzeko. IƱaki San Juanek ez du kartzelan sartu beharko
Rocio Vitero, Gasteizko hauteskundeak irabazi ostean. ©DAVID AGUILAR / EFE

Viterok irabazi badu ere, itunek alkatetza ken diezaiokete

Jone Arruabarrena

Gasteizen EH Bilduk lortu du boto gehien, baina ezin izango du berak bakarrik gobernatu

Aldaketa sakonik ez eta dena airean

Joxerra Senar

Nafarroako Gobernuko hiru bazkideek behera egin dute boto kopuruan, batik bat Geroa Baik eta Zurekin Nafarroak. PP eta UPN Navarra Sumaren lorpenetik urrun geratu dira
<b>PSN.</b> Maria Txibite, Ramon Alzorriz eta Elma Saiz, igande gauean, emaitzak jakin ondotik. ©JESUS DIGES / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.