Albistea entzun

KRITIKA. Musika

Gazteria, bere lekuan

Aurreko astean entseguak egin zituen EGOk Eibarren.
Aurreko astean entseguak egin zituen EGOk Eibarren. JUAN CARLOS RUIZ / FOKU Tamaina handiagoan ikusi

Arkaitz Mendoza -

2018ko uztailak 24

Euskal Herriko Gazte Orkestra

Zuzendaria: Juan Jose Ocon. Pianista: Jon Urdanpilleta. Egitaraua: Sergei Ratxmaninoven Pianorako 2. kontzertua eta Igor Stravinskiren Suzko txoria. Lekua: Gasteizko Principal antzokia. Eguna: Uztailak 22.

Urteak ez nuela Euskal Herriko Gazte Orkestra entzuten, eta goi mailako ikasketak burutzen ari diren ikasle hauen lana txukuna izan zen errusiar musikaz zipriztindutako planteamendu honetan. Oro bere lekuan azaldu zen, ez baita erronka makala, ez: partitura zailak, ez soilik instrumentuarekin jorratzeko, baizik eta garunarekin sentitu eta adierazteko ere. Agian bigarren alderdi hau motz sentitu zen; musika notak ondo kokatuta, baina musikak eragin behar zizkigun emozioak ezkutuan agertu ziren. Kontzertuko bi obra handietan haize sendiko bakarlariak txandakatu egin zituen Juan Jose Ocon zuzendariak, eta duda izpirik gabe, Stravinskiren Suzko Txoria-n agertutako haize egur eta metal bakarlarien egitekoa askoz gozagarriagoa izan zen Ratxmaninovekoekin alderatuta. Perkusioan gauza berbera pasatu zen, nahiz eta plateretako gazteak pianissimo zoragarriak eskaini Pianorako Kontzertua-n.

Jon Urdapilleta piano joleak ez du arazorik pasarte deabruzkoetan —nahiz eta amaierako Allegro scherzando azkarregi eta estututa azaldu— eta suziri teknikoak gainditzeko gaitasuna eta abilezia du. Hala ere, orkestrak taupada baketsuan aurkeztutako Adagio sostenuto-an lasaitasuna faltan bota nuen hirukotxo horietan, orkestra behar bezala entzun eta elkarrekin giro zerutiar bat distiratzeko. Esku erraldoiak zituen Ratxmaninov berak eta hasierako akorde latz horietan hamar hatzak guztiz betetzen zituen errusiarrak, orkestrari haize burrunba basatia iradokitzeraino. Orkestraren ozentasun handienean pianoa gor samar entzun zen batez ere melodiaren berragerpenean. Hala eta guztiz ere, 22 urterekin errusiar entsalada mamitsu hau irensteko argudioak mahai gainean jarri ditu Urdapilletak. Emozioaren bila jarrai dezala bere ibilbidea!

Suzko Txoria-k orkestra biluztu zuen, hara hor oboe jotzaile txalogarria, klarinete liluragarria, bigarren tronpa txukuna eta biola talde emankor bat. Belaunaldi orekatua antzeman zen gazte orkestran, ez zen atrilik bereziki nabarmendu eta etorkizunera begira fruitu emankorrak aurreikusi daitezke batzuengan. Denborak, irmotasunak eta erabaki onek zerikusi handia izango dute profesionaltasunerako bidean arrakasta lor dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zepai bizi izan zen etxean ipinitako oroigarria, Idiazabalen. ©JAIZKI FONTANEDA / FOKU

Bi aroren arteko lokarri

Hodei Iruretagoiena

Akilino Izagirre Amenabar 'Zepai' zena omendu dute Idiazabalen, bertsolariaren heriotzaren 50. urteurrenean. 36ko gerra osteko hutsuneari buelta eman ziotenetako bat izan zen, Uztapide eta Basarriren aroaren atariko.
NIFFeko antolatzaileak, zinema jaialdiaren aurkezpenean, Iruñean. ©IÑIGO URIZ / FOKU

Nafarroako Nazioarteko Zinema Jaialdian ikuspegi feminista txertatuko dute

Olaia L. Garaialde

Abuztuaren 4tik 7ra egingo dute. Programan, proiekzioak, ikastaroak, liburu aurkezpenak eta Lucia Herreroren argazki erakusketa daude
Jon Insausti, Jose Mari Zabala, Klaas van Gorkum, Iratxe Jaio eta Susana Soto, atzo, San Telmon. ©ANDONI CANELLADA / FOKU

Museo Bikoitzak, lekuko bikoitza: Iratxe Jaio eta Klaas van Gorkum

Andoni Imaz

Jose Mari Zabalak aukeratu ditu bi artistak San Telmo museoaren programari jarraipena emateko. Begirada antropologikoarekin aztertuko dute bilduma datozen hilabeteetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna