Albistea entzun

Trafiko eskumena atzeratzeko arrazoiak argitzeko exijitu dute

Oihane Puertas Ramirez -

2022ko maiatzak 26

«Gardentasuna». Hori eskatu zion atzo Bel Pozueta EH Bilduko diputatuak Isabel Rodriguez Espainiako Lurralde Politikako ministroari, Diputatuen Kongresuan. Izan ere, Nafarroak 2021eko abenduaren 31n eskuratu behar zuen trafiko eskumena, baina atzeratu egin zuten, «arrazoi teknikoak» direla eta. Hori horrela, Pozuetak eskatu zion Espainiako Gobernuari «ausarta» izateko eta «emandako hitza betetzeko».

Diputatuak adierazi zuenez, urteak daramatzate egoera horretan. Izan ere, 2018ko urrian Pedro Sanchez Espainiako Gobernuko presidenteak agindu zion Uxue Barkos orduko lehendakariari Madrilek trafiko eskumena transferituko ziola. Orain, ordea, 2025ean espero dute akordioa izenpetzea. Pozuetaren arabera, transferentzia ez da herritarrentzako «opari» bat: «Gure eskubideak dira. Errespetatu eta bete beharreko eskubideak», hain zuzen.

Rodriguezek, berriz, azaldu zuen transferentzia hori «konplexua» dela, besteak beste, gai teknikoak, operatiboak eta aurrekontuari buruzkoak daudelako horren barruan. Horrekin batera, zera nabarmendu zuen: «Borondate politikoa existitzen bada, transferentzia egongo da».

Pozuetak, gainera, atzerapena justifikatzeko bi hipotesi planteatu zituen. Batetik, uste du Madrilen asmoa izan daitekeela Nafarroak bere gain har ditzala trafikoko Guardia Zibileko langileen kostuak, transferentzia osoa gauzatu arte. Bestetik, Barne Ministerioan Guardia Zibilak eragindako barne presioak egon daitezkeela uste du, eta horiek galarazi egiten dutela transferentzia sinatzea. Izan ere, Nafarroan 1.500 guardia zibil inguru daude, eta horietatik 190 bat arduratzen dira trafikoaz.

Ministroak, ordea, gezurtatu egin zituen diputatuaren hipotesiak: «Transferentzia atzeratu egin zen beste transferentzia bat aurreratu genuelako, gutxieneko bizi sarrerarena».

AHTa eta 'euskal Y'-a

Trafiko eskumenaz gain, AHT abiadura handiko trena eta A-15 autobidea ere izan zituzten hizpide Diputatuen Kongresuan.

Raquel Sanchez Garraio, Mugikortasun eta Hiri Agendako ministroak adierazi zuenez, Nafarroako AHTaren eta euskal Y-aren arteko lotura eztabaidatuko dute Madrilek eta Nafarroako Gobernuko eta Eusko Jaurlaritzako kontseilariek, uda baino lehen. Jakinarazi zuenez, A-15 autobideari dagozkion estatuko errepide sareko trazadurak ere konpondu nahi dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

LAB, SAE, UGT, ELA eta CCOO sindikatuen agerraldia gaur, Iruñean. ©IÑIGO URIZ / FOKU

Hiru greba eta hamaika mobilizazio: Nafarroa, marea zuri baten atarian

Ion Orzaiz

LAB, SAE, UGT, ELA eta CCOO sindikatuek, batetik, eta Satsek, bestetik, lanuzteak antolatu dituzte datozen asteetarako. Sindikatu Medikoaren grebak bigarren eguna du gaur.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.