Albistea entzun
Emakumeen aurkako indarkeriari ez
Emakumeen aurkako indarkeriari ez

KRITIKA. 36. Antioko Musikaldia

Amore onez

Marta Garcia -

2019ko urriak 8

Donostiako Udalaren Txistulari Taldea

Egitaraua: Txistua umore onez: I. eta J. I. Ansorena, E. J. Mokoroa, J. Olaizola, T. Garbizu eta abarren obrak. Lekua: Igartubeiti Baserri Museoa, Ezkio-Itsaso.Eguna: Urriak 5

Gure arbasoen tradizio eta bizimoduez hitz egiten duten hormen artean amaitu da 36. Antioko Musikaldia, XVI. mendeko Igartubeiti Baserri Museoaren dolarearen inguruan, hain zuzen. Bertan ez da luxu handirik: lastozko fardelez osatuta dago besaulki-patioa, eta zurezko zorua estaltzen duen alfonbra gorriak mugatzen du agertokia. Haatik, ganbara zeharkatzen duen habeak entzunareto finenek eskaini ezin duten xarma eta zenbakitan neurtu ezin den balioa dauzka. Espazio ezin egokiagoa txistua nagusi zen emanaldian murgiltzeko.

F. Escuderoren Izar ederra doinu ezagunak ireki zuen kontzertua, Donostiako Udalaren Txistulari Taldeko kideak agertokian pixkanaka agertuz zihoazela harmonian sakonduz. Programaren izenari ohore eginez, eta Jose Ignazio Ansorenaren imintzio barregarriak gidari, umorez josi zuten kontzertuaren lehen zatia —XVIII. mendeko ileorde kizkur eta guzti—, txistuaren historia, familia eta aukerak batzuetan ulergaitzak suertatzen ziren txantxen bidez aurkeztuz. I. Ansorenaren Birigarroan, txistuaren txorrotxioak nonahi; E. J. Mokoroaren Sorgin Dantzan publikoaren parte-hartzea eskatu eta jaso zuten, akelarre nahasia irudikatuz.

Kontzertuaren bigarren zatian eitea baretu, eta XX. mende hasieran txistuaren errepertorioan sakondu eta hura garatu zuten konpositoreen obrak interpretatu zituzten. Ansorenaren azalpen eta aurkezpenei esker, horiek euren testuinguruan kokatu eta nondik-norakoak ezagutu ahal izan genituen. Birtuosismo eta xamurtasunez eskaini zituzten J. Olaizolaren Mendian bai alai eta T. Garbizuren Gure Erria. Bukaeran, txistua erraietatik ateratzen den kantuaren oihartzuna balitz bezala, Arizkun obrak biltzen dituen herri doinuei entzuleak batu zitzaizkien ahapeka abesten.

Agerikoa da taldea txistuari etekina ateratzeko lanetan dabilela, melodia herrikoiei umore onez moldaketak eginez, pianoa, marinba eta tronpeta bezalako instrumentuak ere barne hartuz. Norbere buruaz barre egiteko gaitasuna sen onaren, ezagutzaren eta maitasunaren zantzu izan ohi da. Horietako bat ere ez zaio falta Donostiako Udalaren Txistulari Taldeari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Bertsozale Elkartea

Nerea Ibarzabal irabazle Baionan

Olatz Enzunza Mallona

671,5 puntu lortu ditu Ibarzabalek, eta bigarren egin du Sustrai Colinak, 668 puntu eskuratuta. Ondotik geratu dira, hurrenez hurren, Beñat Gaztelumendi, Julio Soto, Unai Agirre eta Eñaut Martikorena.

<b>Amurrioko saioa.</b> Joan den larunbateko saioa, Amurrioko Bañueta kiroldegian. ©GARI GARAIALDE

Iristen aurren, eta joaten azken

Miren Mujika Telleria

Baionan jokatuko da gaur Bertsolari Txapelketa Nagusiko bigarren itzuliko bigarren saioa. Ohi bezala, 17:00etan hasiko da. Aulki, soinu eta foku; pronto izango dira den-denak ordurako. Bertsozale Elkarteko ekoizpen taldeak du horren ardura. Zein da, baina, horren atzean dagoen inurri lana?
Indar Trabesen lehen kontzertua fikzioan irudikatzen, herenegun, Mutrikuko Venezia diskotekan. ©JON URBE / FOKU

Itoiz taldearen lehen printzak

Jone Bastida Alzuru

Doxa ekoiztetxea eta Larraitz Zuazo zuzendaria Itoiz taldeari buruzko pelikula bat prestatzen ari dira, dokumentalaren eta fikzioaren artean mugitzen dena. Mutrikun izan dira filmatzen.

Ekoetxea Urdaibaik hizkuntza indigenen erakusketa bat jarri du ikusgai. ©Monika del Valle / Foku

Hizkuntza jasangarriak

Amaia Igartua Aristondo - Bizkaiko Hitza

Busturiko Urdaibaiko Ekoetxeak erakusketa batean bildu ditu 11 hizkuntzatan emandako testu batzuk eta haien euskarazko itzulpenak: 'Hizkuntza indigenak, Ama Lurra zaintzen'. Abenduaren 18ra bitartean bisitatu ahalko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...